शनिवार, 17 ऑक्टोबर 2026
(फोटो सौजन्य: Instagram)
काय आहे प्रकरण?
ही घटना ११ एप्रिल रोजी महाराजा यादवेंद्र सिंग पीसीए स्टेडियमवर इंडियन प्रीमियर लीगच्या सामन्यादरम्यान घडली. हा सामना सनरायझर्स हैदराबाद आणि पंजाब किंग्स यांच्यात खेळला जात होता. मधू प्रिया नावाची ही महिला, सोशल मीडियावरील एका ट्रेंडनुसार व्हिडिओ शूट करत होती, ज्यामध्ये लोक कॅमेऱ्यासमोर हवेत अंगठी फेकल्याचा अभिनय करतात. हा व्हिडिओ शूट करत असताना तिच्या हातून तिची महागडी अंगठी खाली पडते, ज्यानंतर बराच वेळ शोधल्यानंतरही ही अंगठी तिच्या हाती लागत नाही. आजूबाजूच्या अनेक लोकांनी तरुणीची ही अंगठी शोधण्याचा प्रयत्न केला पण कुणालाच ती सापडली नाही. तरुणीच्या रीलने तिला प्रसिद्धी तर मिळवून दिली, तिची रिल व्हायरल झाली पण बदल्यात तिला ७०,००० च्या अंगठीचाही त्याग करावा लागला.
View this post on Instagram
मधू प्रियाने @madhupriya_2426 नावाच्या आपल्या इंस्टाग्राम अकाऊंटवर व्हिडिओला शेअर करत या घटनेची माहिती दिली आहे. व्हिडिओच्या कॅप्शनमध्ये मदतीची हाक मारत तिने लिहिले की, ‘७०,००० रुपयांचे नुकसान झाले आहे. अंगठी अजूनही सापडलेली नाही. “महाराजा यादवेंद्र सिंह पीसीए स्टेडियम” मधील कोणी हा व्हिडिओ पाहत असेल, तर कृपया आमची अंगठी शोधून आम्हाला परत मिळवून द्या. आम्हाला DM करा, आम्ही तुम्हाला तिकिटाचा तपशील पाठवू!’. व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “तुमची ७०,००० रुपयांचा चुना लागला ना?”, दुसऱ्या युजरने लिहिले आहे, “तुम्ही गंमत म्हणून ते फेकून श्रीलक्ष्मीचा अपमान केला, आणि देवीने तुम्हाला खऱ्या गुन्ह्यासाठी शिक्षा दिली.” आणखीन एका युजरने लिहिले आहे, “मजा करायला गेली आणि कांड झाला”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
