शुक्रवार, 23 ऑक्टोबर 2026
Donald Trump : डोनाल्ड ट्रम्प यांच्या जावयाचा फोन हॅक; सौदी अरेबिया आणि यूएईसोबतचे गुप्त करार आले उघडकीस ( फोटो सौजन्य : सोशल मीडिया )
अमेरिकेच्या राजकीय वर्तुळात आणि जागतिक पातळीवर सध्या एकच खळबळ उडाली आहे. अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांचे जावई आणि त्यांच्या पहिल्या कार्यकाळातील वरिष्ठ सल्लागार जेरेड कुशनर यांच्यावर आखाती देशांशी संबंधित कथित गुप्त आणि बेकायदेशीर आर्थिक व्यवहार केल्याचे धक्कादायक आरोप समोर आले आहेत. ‘व्हॅनिटी फेअर’ या प्रसिद्ध नियतकालिकात प्रसिद्ध झालेल्या एका खळबळजनक अहवालानुसार, ट्रम्प यांच्या पहिल्या कार्यकाळात डच गुप्तचर संस्थेने (Dutch Intelligence) कुशनर यांच्या आयफोनवर पाळत ठेवली होती. या हॅकिंगदरम्यान मध्य पूर्वेतील देशांशी संबंधित गुप्त व्यवहारांची माहिती समोर आल्याचा दावा करण्यात आला आहे.
पत्रकार मॅथ्यू कोल यांच्या आगामी “प्रिन्सेस अँड थीव्हज: जेरेड कुशनर अँड मोहम्मद बिन झायेद्स सिक्रेट प्लॉट टू रिशेप द मिडल ईस्ट” या पुस्तकातील उतारे या अहवालात उद्धृत करण्यात आले आहेत. या पुस्तकातील दाव्यानुसार, जेरेड कुशनर यांना संयुक्त अरब अमिरातीशी (UAE) जोडलेल्या एका विशेष बँक खात्याचा प्रवेश आणि स्वाक्षरीचे अधिकार (Authorized Signatory) मिळाले होते. या खात्यामध्ये अझरबैजानी बँकेच्या माध्यमातून कोट्यवधी डॉलर्स जमा करण्यात आले होते.
अहवालातील माहितीनुसार, सुमारे ७५० दशलक्ष डॉलर्सची भलीमोठी रक्कम अबू धाबीमधील ‘फर्स्ट अबू धाबी बँक’ येथील ‘वतनी अल एमिरात फाऊंडेशन’च्या खात्यात हस्तांतरित करण्यात आली होती. ही संस्था यूएई सरकारद्वारे अनुदानित आहे. या खात्याचे मूळ मालक कुशनर नसले, तरीही त्यातून होणाऱ्या व्यवहारांवर त्यांची अधिकृत स्वाक्षरी चालत असे, असा थेट दावा या अहवालात करण्यात आला आहे.
जागतिक घडामोडी संबंधित बातम्या वाचण्यासाठी येथे क्लिक करा : Saudi Execution : सौदी अरेबियामध्ये 20 बांगलादेशींना मृत्युदंडाची शिक्षा होणार? दोन नागरिकांना फाशी दिल्यानंतर उडाली खळबळ
याहूनही पुढे जाऊन या अहवालात असे गंभीर आरोप करण्यात आले आहेत की, यूएईचे अध्यक्ष मोहम्मद बिन झायेद आणि सौदी अरेबियाचे युवराज मोहम्मद बिन सलमान यांनी कुशनर यांच्याशी संबंधित विविध खात्यांमध्ये एकूण २ अब्ज डॉलर्सपेक्षा जास्त रक्कम जमा केली होती. त्याशिवाय आणखी एका वेगळ्या कथित व्यवहाराच्या माध्यमातून कुशनर यांच्या वैयक्तिक फायद्यासाठी १ अब्ज डॉलर्स ट्रान्सफर करण्यात आले होते, असाही दावा केला गेला आहे. मात्र, या आरोपांना पुष्टी देणारे कोणतेही अधिकृत आणि सार्वजनिकरित्या सत्यापित बँक रेकॉर्ड्स किंवा दस्तऐवज अद्याप समोर आलेले नाहीत.
.@VanityFair posted an excerpt from a book containing outrageous and categorically false allegations. The allegations made by this author are completely insane and never happened. We denied every one of these claims on the record, yet the author failed to provide a single shred of evidence to substantiate any of them. No bank statements, wire transfer records, account numbers, transaction dates, or other verifiable details were provided to support these extraordinary accusations. During the period in question, I was one of the most scrutinized people in the world, subjected to intense media coverage, multiple congressional investigations, and a special counsel investigation. I voluntarily cooperated with these investigations, providing over 30 hours of testimony. None of these allegations ever surfaced, because none of these events ever happened. These are outrageous fabrications being presented as investigative journalism. This is not journalism. It is a mixture of fantasy, fiction, and advocacy, written by someone who is either deeply disturbed or acting with sinister intent. — Jared Kushner (@jaredkushner) October 22, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : North Korea : ‘दक्षिण कोरियाला सोडणार नाही’, किम जोंग उन यांच्या बहिणीचा आक्रमक पवित्रा; पूर्व आशियात भीतीचे सावट
दुसरीकडे, जेरेड कुशनर यांनी हे सर्व आरोप अत्यंत तीव्रतेने फेटाळून लावले आहेत. ‘एक्स’ (पूर्वीचे ट्विटर) या सोशल मीडिया प्लॅटफॉर्मवर आपली बाजू मांडताना कुशनर यांनी स्पष्ट केले की, हे सर्व दावे “पूर्णपणे खोटे, कपोलकल्पित आणि बनावट” आहेत. या अहवालात बँक स्टेटमेंट, ट्रान्सफर रेकॉर्ड, खाते क्रमांक किंवा व्यवहाराची कोणतीही तारीख यांसारखा ठोस पुरावा देण्यात आलेला नाही, असे त्यांनी नमूद केले. कुशनर यांचे वकील चॅड मिझेल यांनीही यावर प्रतिक्रिया देताना म्हटले की, अशी कोणतीही बँक खाती अस्तित्वातच नाहीत आणि या बदनामीकारक अहवालाविरोधात न्यायालयीन कारवाई करण्याचे सर्व मार्ग खुले आहेत.
Ans: जेरेड कुशनर यांच्यावर डच गुप्तहेरांनी फोन हॅक करून सौदी अरेबिया आणि यूएईशी संबंधित २ अब्ज डॉलर्सपेक्षा जास्त रकमेच्या गुप्त खात्यांचे व्यवहार केल्याचा आरोप केला आहे.
Ans: जेरेड कुशनर आणि त्यांच्या वकिलांनी हे सर्व आरोप "पूर्णपणे खोटे, बनावट आणि पुराव्यांविना केलेले" असल्याचे सांगत फेटाळून लावले आहेत.
Ans: हा अहवाल 'व्हॅनिटी फेअर' नियतकालिकाने प्रसिद्ध केला असून, तो पत्रकार मॅथ्यू कोल यांच्या आगामी पुस्तकातील उताऱ्यांवर आधारित आहे.
