July 2024 झाली 7500 इलेक्ट्रिक वाहनांची विक्री,जाणून घ्या कोणत्या कार्सनी मारली बाजी

भारतीय ऑटोमोबाईल क्षेत्रात पेट्रोल, डिझेल आणि सीएनजी कार्स सोबतच अनेक इलेक्ट्रिक कार्स लाँच होताना दिसत आहे. तसेच अनेक ग्राहकांचा कल हा इलेक्ट्रिक कार्सकडे जास्त आहे. नुकतेच जुलै 2024 मधील कार्सची सेल्स रिपोर्ट समोर आली आहे. चला जाणून घेऊया कोणत्या कारने विक्रीत बाजी मारली आहे.

फोटो सौजन्य: Freepik

Follow Us:

Follow Us:

वाढत्या पेट्रोल आणि डिझेलच्या किंमतीमुळे अनेक जण इलेक्ट्रिक कार्सकडे वळत आहे. यामुळेच भारतात अनेक कार उत्पादक कंपनीज अत्याधुनिक इलेक्ट्रिक कार्स लाँच करत आहे. या कार्सना भारतीय ग्राहकांकडून चांगलीच पसंती मिळत आहे.

येणारा काळ हा इलेक्ट्रिक कार्सचा असल्यामुळे अनेक कार उत्पादक कंपनीज आगामी काळात अधिक इलेक्ट्रिक कार्स लाँच करण्याच्या बाबतीत सकारात्मक आहेत.

मीडिया रिपोर्ट्सनुसार, गेल्या महिन्यात इतर इंधन कारसह, इलेक्ट्रिक कार सेगमेंटमधील वाहनेही देशभरात विकल्या गेल्या आहेत. आज आपण जाणून घेऊया, जुलै 2024 मध्ये कोणत्या कंपनीने किती इलेक्ट्रिक कार विकल्या आहेत.

7500 पेक्षा जास्त कार्सची विक्री झाली

अहवालानुसार, जुलै 2024 मध्ये देशभरात इलेक्ट्रिक कारच्या एकूण 7541 युनिट्सची विक्री झाली आहे. तर जुलै 2023 मध्ये देशभरात 7768 इलेक्ट्रिक वाहनांची विक्री झाली होती.

टाटा मोटर्स ईव्ही (Tata Motors EV)

जुलै 2024 मध्ये टाटा मोटर्सने सर्वाधिक इलेक्ट्रिक कार विकल्या आहेत. गेल्या महिन्यात कंपनीने एकूण 4775 कार्सची विक्री केली आहे. वार्षिक आधारावर कंपनीच्या विक्रीत सुमारे 13 टक्के घट झाली आहे. मागील वर्षी याच कालावधीत टाटा मोटर्सने ईव्हीच्या ५४७१ युनिट्सची विक्री केली होती. टाटा मोटर्सच्या इलेक्ट्रिक कारच्या पोर्टफोलिओमध्ये Tiago, Punch, Nexon, Tigor सारख्या EV कार खरेदीदारांच्या पसंतीस उतरत आहेत.

एमजी मोटर्स (MG Motors)

ब्रिटीश कार निर्माता कंपनी MG ने भारतीय बाजारात कॉमेट आणि ZS EV ऑफर केली आहेत. विक्रीच्या बाबतीत टाटा नंतर एमजी मोटर्स दुसऱ्या स्थानावर आहे. गेल्या महिन्यात कंपनीने एकूण 1522 इलेक्ट्रिक वाहनांची विक्री केली असून वार्षिक आधारावर त्यांच्या विक्रीमध्ये 23 टक्क्याने वाढ झाली आहे. गेल्या वर्षी जुलैमध्ये एमजी मोटर्सने इलेक्ट्रिक वाहनांच्या १२३७ युनिट्सची विक्री केली होती.

महिंद्रा (Mahindra)

महिंद्राची Xuv400 देखील भारतीय बाजारपेठेत इलेक्ट्रिक SUV म्हणून सादर करण्यात आली आहे. कंपनीच्या एकमेव इलेक्ट्रिक SUV ने जुलै 2024 मध्ये 487 युनिट्स विकल्या. तर गेल्या वर्षी जुलै महिन्यात या एसयूव्हीच्या ३७९ युनिट्सची विक्री झाली होती.

बीवायडी (BYD)

चीनी इलेक्ट्रिक कार कंपनी BYD ने देखील जुलै 2024 मध्ये भारतीय बाजारपेठेत 341 इलेक्ट्रिक युनिट्स विकल्या आहेत. गेल्या वर्षी याच कालावधीत कंपनीने 379 मोटारींची विक्री केली होती.

सिट्रोएन (Citroen)

Citroen भारतीय बाजारपेठेत इलेक्ट्रिक कार्स देखील विकते. गेल्या महिन्यात कंपनीने 155 युनिट्सची विक्री केली होती. तर गेल्या वर्षी याच कालावधीत कंपनीने 223 कार्सची विक्री केली होती.

Web Title: 7500 electric vehicles sold in july 2024 find out which cars are on this list

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com