शनिवार, 10 ऑक्टोबर 2026
(फोटो सौजन्य-AI एआय)
इलेक्ट्रिक एसयूव्ही खरेदी करताना कंपनीने सांगितलेली रेंज आणि प्रत्यक्ष रस्त्यावर मिळणारी रेंज यात किती फरक असतो, हा अनेक कस्टमर्सच्या मनातला प्रश्न आहे. एमजी हेक्टर टोमाहॉक ईव्हीच्या रिअल-वर्ल्ड टेस्टमधून याचे उत्तर समोर आले आहे. या इलेक्ट्रिक एसयूव्हीची एक्स-शोरूम किंमत ₹19.50 लाख ते ₹23.50 लाख असून ती 5-सीटर आणि 7-सीटर अशा दोन्ही ऑप्शन्समध्ये येते.
बॅटरी आणि मोटरची कॅपसिटी
एमजी हेक्टर टोमाहॉक ईव्हीमध्ये 69.2 kWh क्षमतेचा एलएफपी (लिथियम आयर्न फॉस्फेट) बॅटरी पॅक देण्यात आला आहे. यात फ्रंट एक्सलवर बसवलेली परमनंट मॅग्नेट सिंक्रोनस मोटर असून ती 204hp पॉवर आणि 310Nm टॉर्क निर्माण करते. कंपनीच्या दाव्यानुसार, ही एसयूव्ही एका चार्जमध्ये 517 किमीपर्यंत धावू शकते. गाडीचे वजन 1,908 किलो आहे. यात इको, स्टँडर्ड आणि स्पोर्ट असे 3 ड्रायव्हिंग मोड्स मिळतात.
भारतात LFP बॅटरी असलेल्या इलेक्ट्रिक स्कूटर्स कोणत्या? किंमत ₹67,951 पासून, रेंज 150 किमीपर्यंत!
शहरात मिळाली जास्त रेंज
प्रत्यक्ष चाचणीदरम्यान या एसयूव्हीने शहरात 7.15 किमी/kWh एवढी एफिशियन्सी नोंदवली. या आकड्यानुसार पूर्ण चार्जवर सुमारे 495 किमी रेंज मिळू शकते. शहरातील ट्रॅफिकमध्ये वारंवार ब्रेक लावणे आणि वेग कमी-जास्त करणे यामुळे इलेक्ट्रिक वाहनांची एफिशियन्सी बदलू शकते. या टेस्टमध्ये रिजनरेटिव्ह ब्रेकिंगसाठी स्ट्राँग मोड वापरण्यात आला होता.
हायवेवर रेंज झाली कमी
हायवेवर या एसयूव्हीची एफिशियन्सी 5.73 किमी/kWh नोंदवण्यात आली. त्यानुसार रेंज सुमारे 397 किमीपर्यंत येते. शहर आणि हायवेवरील एकत्रित एफिशियन्सी 6.44 किमी/kWh होती. त्यानुसार प्रत्यक्ष वापरात एका चार्जवर सुमारे 446 किमी रेंज मिळण्याचा अंदाज आहे. म्हणजेच कंपनीच्या 517 किमीच्या दाव्यापेक्षा प्रत्यक्ष एकत्रित रेंज कमी आहे. वाहनाचा वेग, एसीचा वापर, रस्त्याची स्थिती आणि ड्रायव्हिंग स्टाइल यांचाही रेंजवर परिणाम होतो.
2027 होंडा रिबेल 500 मध्ये मोठे अपडेट! आता मिळणार TFT डिस्प्ले आणि E-Clutch टेक्नोलॉजी
फास्ट चार्जिंगमध्ये किती वेळ?
एमजीच्या दाव्यानुसार, 90kW डीसी फास्ट चार्जरने बॅटरी 30% वरून 80% पर्यंत चार्ज करण्यासाठी 35 मिनिटे लागतात. प्रत्यक्ष टेस्टमध्ये 150kW चार्जर वापरून 20% वरून 80% चार्जिंगला 32 मिनिटे लागली. या वेळी कमाल चार्जिंग स्पीड सुमारे 89kW नोंदवण्यात आला.
एकूणच, एमजी हेक्टर टोमाहॉक ईव्हीची प्रत्यक्ष रेंज 446 किमीच्या आसपास अपेक्षित धरता येते. पण ही टेस्टमधील आकडेवारी असून प्रत्येक कस्टमरला समान रेंज मिळेलच असे नाही. खरेदीपूर्वी आपल्या रोजच्या प्रवासाचा प्रकार, चार्जिंगची सोय आणि जवळचे चार्जिंग स्टेशन लक्षात घेणे महत्त्वाचे ठरेल.
