मंगळवार, 20 ऑक्टोबर 2026
Cheapest Car in India: ( फोटो सौजन्य-सोशलमीडिया)
ही किंमत मारुतीच्या सगळ्यात जास्त विकल्या जाणाऱ्या गाडी म्हणजे Dzire पेक्षा जवळपास एक लाख रुपयांनी कमी आहे. त्यामुळे आता ग्राहकांची गर्दी या गाडीकडे वळणार हे नक्की. ही नवीन Aeris थेट टाटा Tigor ची जागा घेणार आहे. तिची लांबी 4 मीटरपेक्षा कमी ठेवली आहे, त्यामुळे तिची टक्कर Dzire, Hyundai Aura आणि Honda Amaze सोबत होणार आहे.
टाटाने या गाडीच्या लूकमध्ये बरेच बदल केले आहेत. पुढच्या बाजूला पाहिलं तर नवीन LED हेडलॅम्प दिले आहेत आणि त्यावर एक DRL ची पट्टी दिली आहे जी रात्री एकदम भारी दिसते. बंपरमध्ये LED फॉग लॅम्प पण दिले आहेत. मागच्या बाजूचे टेल-लॅम्प पण पूर्णपणे नवीन डिझाइनचे आहेत.
साइडने पाहिलं तर नवीन अलॉय व्हील्स दिले आहेत जे जुन्या Tigor पेक्षा जास्त स्पोर्टी वाटतात. यावेळी कंपनीने एक नवीन जांभळा रंग पण आणला आहे जो तरुणांना खूप आवडत आहे. एकंदरीत गाडी बाहेरून एकदम प्रीमियम आणि महागडी वाटते, पण किंमत मात्र कमी आहे.
गाडीच्या आत बसलं की तुम्हाला टाटा Tiago ची आठवण येईल कारण डॅशबोर्ड तसाच ठेवला आहे. पण फीचर्स एकदम भरून दिले आहेत. मध्ये 10.24 इंचाचा मोठा टचस्क्रीन दिला आहे. हा स्क्रीन एकदम स्मूथ चालतो. त्याचबरोबर डिजिटल मीटर पण दिला आहे.
एक खास गोष्ट म्हणजे यात वायरलेस चार्जर दिला आहे आणि त्यावर एकाच वेळी दोन मोबाईल ठेवता येतात. हे तर खूपच कामाचं फीचर आहे. मागे बसणाऱ्यांसाठी AC चे व्हेंट आणि टाइप-C चार्जिंग पोर्ट पण दिले आहेत.
या छोट्या गाडीत कंपनीने मोठ्या गाड्यांचे फीचर्स टाकले आहेत. यात काय काय मिळतंय बघा.bक्रूझ कंट्रोल आहे त्यामुळे हायवेवर गाडी चालवायला सोपी जाते. ऑटोमॅटिक AC, थंड हवा देणाऱ्या व्हेंटिलेटेड सीट्स, डॅशकॅम, ब्लाइंड स्पॉट पाहण्यासाठी मॉनिटर आणि 360 डिग्री कॅमेरा. 360 कॅमेरा तर या सेगमेंटमध्ये कोणीच देत नाही, पण टाटाने दिला आहे.
त्यामुळे पार्किंग करायला एकदम सोपं जाणार. याशिवाय इलेक्ट्रिकली फोल्ड होणारे आरसे, बटण दाबून गाडी सुरु करणे आणि आरामदायी फॅब्रिक सीट्स पण आहेत.
ह्युंदाई बेयॉन एसयूव्ही भारतात 26 ऑक्टोबरला होणार लाँच; किंमत, इंजिन आणि फीचर्स जाणून घ्या
टाटा म्हटलं की सुरक्षितता आलीच. या गाडीत कंपनीने सुरुवातीपासूनच 6 एअरबॅग दिल्या आहेत. म्हणजे सगळ्यात स्वस्त मॉडेल घेतलं तरी 6 एअरबॅग मिळणार. ही खूप मोठी गोष्ट आहे. ऑटोमॅटिक मॉडेलमध्ये तर गिअर लीव्हर काढून तिथे गोल फिरणारा रोटरी सिलेक्टर दिला आहे, जो पाहायला एकदम BMW सारखा वाटतो.
या गाडीत तेच इंजिन आहे जे Tigor मध्ये होतं. 1.2 लिटरचं 3 सिलिंडर पेट्रोल इंजिन. हे इंजिन 84 BHP ची पॉवर आणि 113 Nm चा टॉर्क देतं. यात तुम्हाला 5 स्पीड मॅन्युअल आणि 5 स्पीड AMT असे दोन गिअरबॉक्सचे ऑप्शन मिळतील.
मारुती सुझुकी ऑल्टो आणि एस-प्रेसोच्या किमती वाढवणार नाही; बजेट कार खरेदीदारांना दिलासा
ज्यांना CNG गाडी हवी आहे त्यांच्यासाठी पण आनंदाची बातमी आहे. यात डबल सिलिंडर वाला CNG सेटअप दिला आहे. त्यामुळे बूटमध्ये पण थोडी जागा उरते. CNG वर ही गाडी 73 BHP पॉवर देते. सगळ्यात भारी गोष्ट म्हणजे CNG मध्ये पण AMT गिअरबॉक्स आणि पॅडल शिफ्टर्सचा ऑप्शन दिला आहे. आजपर्यंत कोणत्याच कंपनीने CNG मध्ये पॅडल शिफ्टर्स दिले नव्हते.
त्यामुळे कमी बजेटमध्ये जर तुम्हाला सेडान, भरपूर फीचर्स, सुरक्षा आणि CNG असं सगळं हवं असेल तर Tata Aeris एकदा नक्की पाहून घ्या. 5.29 लाखात एवढं सगळं दुसरं कोणीच देत नाहीये.
Ans: Tata Aeris ची सुरुवातीची एक्स-शोरूम किंमत 5.29 लाख रुपये असल्याचे वृत्तात नमूद केले आहे.
Ans: या कारमध्ये 1.2 लिटरचे 3-सिलिंडर पेट्रोल इंजिन दिले आहे. हे इंजिन 84 BHP पॉवर आणि 113 Nm टॉर्क निर्माण करते.
Ans: या कारमध्ये 5-स्पीड मॅन्युअल आणि 5-स्पीड AMT गिअरबॉक्सचे पर्याय दिले आहेत.
