मंगळवार, 20 ऑक्टोबर 2026
Flipkart Minutes Growth Report
बॅगभरुन बाटल्या… Trainमधून Alcohol नेणं पडलं महागात! बिहारच्या तरुणीला अटक; काय सांगतो कायदा?
या फास्ट- कॉमर्समधील स्पर्धेमध्ये लक्षणीयरीत्या वाढ झाली आहे. दरम्यान, स्विस वित्तीय सेवा कंपनी UBS ने एक अहवाल प्रसिद्ध केला आहे. या अहवालामध्ये, फ्लिपकार्ट मिनिट्स ब्लिंकीटला टक्कर देत असल्याचं समोर येत आहे. वेगाने वाढ दिसून येत असून यात काही बाबतीत ते ब्लिंकइट्च्या जवळपास पोहोचले आहे. चला तर जाणून घेऊयात नेमका प्लॅन काय आहे? आणि मार्केट व्याप्ती असूनही फ्लिपकार्ट मिनिट्सला कसा फायदा होतोय?
या दोन्ही फास्ट – कॉमर्स प्लॅटफॉर्ममध्ये स्पर्धा लक्षणीयरित्या वाढत आहे. जर वेगवान व्यापार करत अधिक लोकांपर्यंत लवकरात लवकर पोहोचायचं असेल तर डार्क स्टोअर्सची संख्या वाढवणं गरजेचं आणि महत्त्वाचं आहे. फ्लिपकार्ट मिनिट्सने आता सुमारे 130 शहरांमध्ये 1000 हून अधिक डार्क स्टोअर्सचं जाळ पसरलेलं आहे. शक्य तितक्या जास्त ग्राहकांपर्यंत वस्तू अगदी जलद गतीने पोहोचवणं हे ध्येय समोर ठेवून काम केलं जात आहे.
शिवाय, सरासरी ऑर्डरच्या किमतीबाबत मिनिट्स ब्लिंकइटच्या जवळ पोहोचला आहे. स्मार्टफोन खरेदी वगळता, फ्लिपकार्ट मिनिट्सचे सरासरी ऑर्डर मूल्य ₹५०० ते ₹५३० च्या दरम्यान आहे, तर ब्लिंकइटचे सुमारे ₹५१८ आहे. त्यामुळे आता स्पर्धा बरीच वाढली आहे.
जेव्हा मोबाईल फोन आणि इलेक्ट्रॉनिक्सच्या ऑर्डरचा विचार केला तर, याच ऑर्डर एकूण सरासरी ऑर्डर मूल्य आणखी वाढते. फ्लिपकार्टला या विभागात आधीपासूनच मोठा अनुभव आहे. यामुळेच स्मार्टफोन आणि इलेक्ट्रॉनिक्सच्या खरेदीतून मिनिट्सला बराच फायदा होत आहे.
प्रत्येक फ्लिपकार्ट मिनिट्स स्टोअरला दररोज अंदाजे ८०० ते १००० ऑर्डर मिळतात. जुन्या आणि अधिक प्रस्थापित स्टोअर्सना दररोज अंदाजे १२०० ते १५०० ऑर्डर मिळत आहेत. यावरून फास्ट कॉमर्स ॲप्सची मागणी किती वेगाने वाढत आहे हे या आकडेवारीतून दिसून येतं. अंदाजे ६०% मागणी महानगरांमधून येते. पण आता लहान शहरांमध्येही फास्ट कॉमर्सची वाढ दिसून येत आहे.
फ्लिपकार्ट मिनिट्स भविष्यात आपल्या डार्क स्टोअर्सचा विस्तार आणखी वाढवण्याची शक्यता आहे. कंपनी पुढील वर्षाच्या मध्यापर्यंत अंदाजे १,००० अधिक डार्क स्टोअर्स उघडण्याची योजना आखत आहे. यामुळे तिच्या बॅकएंड कॅपिसिटीदेखील आणखी वाढ होऊ शकते. डार्क स्टोअर्सच्या वाढीमुळे कंपनीला भविष्यात अधिक ग्राहकांपर्यंत पोहोचता येईल आणि अधिक ऑर्डर्स जलदगतीने पोहोचवता येतील. त्यामुळ त्यांची मार्केट वॅल्यू देखील वाढेल.
