सोमवार, 12 ऑक्टोबर 2026
शेतकऱ्यांनो, 10 लाखांचा ट्रॅक्टर 5 लाखांत! ( सौजन्य - सोशल मीडिया )
ऑक्टोबर 2026 मध्ये सुरु झालेल्या ऑनलाईन बुकिंग प्रक्रियेअंतर्गत, शेतकरी ट्रॅक्टर, पॉवर टिलर, रोटाव्हेटर, सीड ड्रिल सारख्या कृषी संरक्षण उपकरणांसाठी अर्ज करु शकतात. जे शेतकरी या योजनेसाठी पात्र असतील अशा शेतकऱ्यांना योजनेच्या नियमांनुसार 40 ते 50 % इतकं अनुदान मिळु शकतं. कृषी विभागामार्फत चालवल्या जाणाऱ्या योजनमधून 2166 कृषी उपकरणांसाठी, तसेच पिकांच्या अवशेषांच्या जागेवरच व्यवस्थापनासाठी कृषी यांत्रिकीकरणाला प्रोत्साहन या योजनेअंतर्गत 1755 कृषी उपकरणांसाठी अनुदान दिले जाईल. कस्टम हायरिंग सेंटर्स आणि फार्म मशिनरी बँक्स स्थापन करण्यासाठी देखील अनुदान उपलब्ध आहे.
कृषी यांत्रिकीकरण उप-अभियान SMAM योजनेअंतर्गत, शेतकरी ७ ऑक्टोबर ते २० ऑक्टोबर २०२६ या कालावधीत उत्तर प्रदेश कृषी विभागाच्या पोर्टलवर कृषी उपकरण अनुदानासाठी ऑनलाइन अर्ज करू शकतात. या योजनेअंतर्गत, पात्र शेतकऱ्यांना ट्रॅक्टर, पॉवर टिलर आणि इतर कृषी उपकरणांवर ४० ते ५० टक्के अनुदान मिळू शकते. १० लाख रुपये किमतीच्या ट्रॅक्टरसाठी, ५० टक्के अनुदान मिळवणाऱ्या शेतकऱ्याला फक्त ५ रुपये भरावे लागतील. पण, अनुदानाची वास्तविक रक्कम योजनेचे नियम, शेतकऱ्याची श्रेणी आणि निर्धारित कमाल मर्यादेवर अवलंबून असेल.
काही श्रेणींमध्ये, कमाल अनुदान ₹२ लाख ते ₹३ लाख पर्यंत असू शकते. रोटाव्हेटर, सीड ड्रिल आणि इतर लहान कृषी उपकरणांवरील अनुदान त्यांच्या शासन-मान्यताप्राप्त किमतीनुसार निश्चित केले जाईल. त्यामुळे, अर्ज करण्यापूर्वी, शेतकऱ्यांनी अधिकृत पोर्टलवर संबंधित कृषी उपकरणांसाठी अनुदानाचा दर, कमाल मर्यादा आणि पात्रतेची माहिती तपासणं आवश्यक आहे.
सर्वप्रथम, upagriculture.com या वेबसाइटला भेट द्या.
येथे, ‘मशीनरी/उपकरण अनुदान’ किंवा ‘टोकन बुकिंग’ विभागात जा.
आता, तुम्हाला तुमच्या आवडीची कृषी मशिनरी निवडावी लागेल.
टोकन कन्फर्म झाल्यावर, अधिकृत डीलरकडून उपकरण खरेदी करा आणि मूळ बिल जपून ठेवा.
बिल आणि इतर आवश्यक कागदपत्रे पोर्टलवर अपलोड करा.
पडताळणीनंतर, अनुदानाची रक्कम थेट तुमच्या बँक खात्यात DBT द्वारे हस्तांतरित केली जाते.
