मंगळवार, 25 ऑगस्ट 2026
(फोटो सौजन्य - सोशल मीडिया)
ब्रोकरेज फर्म जेफरीजने आपल्या नवीन अहवालात एक गंभीर इशारा दिला आहे. ज्यात त्यांनी हे स्पष्ट केलं की अमेरिकेची बिघडलेली आर्थिक परिस्थिती या सगळ्याला कारण आहे. त्यामुळे ही परिस्थिती दीर्घकालीन ट्रेझरी बाँड्सवर वाढता दबाव निर्माण करत आहे. यामुळे शेअर बाजारांना थेट संभाव्य धोका निर्माण होतो. जेफरीजचे रणनीतिकार क्रिस्टोफर वूड म्हणतात की, हा धोका बहुधा १०-वर्षीय यूएस ट्रेझरी बाँडच्या उत्पन्नात ५% पेक्षा जास्त वाढ झाल्यामुळे आहे, ज्यामुळे भविष्यात शेअर बाजार अस्थिर होऊ शकतात.
अमेरिकेतील खालावत चाललेली आर्थिक परिस्थिती हे महत्त्वाचं कारणं ठरतं. १८ ऑगस्ट रोजी अमेरिकेचे कर्ज काही दशकांपूर्वीही अकल्पनीय असलेल्या पातळीच्या आता पुढे गेले आहे. अहवालानुसार, अमेरिकेचे राष्ट्रीय कर्ज अंदाजे ४०.०५ ट्रिलियन डॉलर्सवर पोहोचले असून, ते मागील वर्षाच्या तुलनेत ७.८% नी वाढले आहे.
मागील वर्षाच्या तुलनेत जुलैमध्ये केंद्र सरकारचा महसूल १.३% ने घटला आणि गेल्या तीन महिन्यांत तो ५.७% ने कमी झाला आहे. शुल्कासह कर महसूल जुलैमध्ये ८% ने आणि तीन महिन्यांच्या कालावधीत ६.४% ने घटला. दुसरीकडे, अमेरिकेतील सरकारी खर्च मात्र उलट दिशेने जात असल्याचे दिसते, कारण मागील वर्षाच्या तुलनेत जुलैमध्ये एकूण केंद्र सरकारच्या खर्चात २१.७% आणि गेल्या तीन महिन्यांत १०.७% वाढ झाली आहे.
ही आकडेवारी स्पष्टपणे दर्शवते की अमेरिकेतील सध्याचे नाट्य केवळ अमेरिकेपुरते मर्यादित नसून, त्याचा जागतिक परिणाम होत आहे. याचे कारण असे की, अमेरिकेने जारी केलेले सरकारी रोखे जगभरातील बँका, पेन्शन फंड, विमा कंपन्या, गुंतवणूक निधी आणि परदेशी सरकारांकडे आहेत. याचा अर्थ असा की, अमेरिकन ट्रेझरी यील्ड्समधील सततच्या वाढीचा परिणाम केवळ अमेरिकन सरकारच्या आर्थिक स्थितीवरच नव्हे, तर त्याहूनही अधिक व्यापक आहे.
