गुरुवार, 3 सप्टेंबर 2026
IPO Listing Today: IPO ची दमदार एन्ट्री! (फोटो सौजन्य- सोशलमीडिया)
Power sector IPO News: शेअर बाजारात सध्या IPO चा सिझन जोरात सुरू आहे. अशातच एका कंपनीने लिस्ट होताच सगळ्यांना खुश करून टाकलं आहे. वीजेच्या तारा आणि केबल बनवणाऱ्या या कंपनीच्या शेअरने पहिल्याच दिवशी गुंतवणूकदारांना चांगला पैसा कमावून दिला आहे.
लुमिनो इंडस्ट्रीजचा IPO ची किंमत ८२ रुपये ठेवली होती. ३ सप्टेंबरला हा शेअर बाजारात लिस्ट झाला आणि लिस्ट होताच त्याने उडी मारली. BSE वर हा शेअर १०९ रुपयांवर लिस्ट झाला तर NSE वर ११० रुपयांवर झाला आहे. म्हणजे ज्या लोकांनी IPO मध्ये पैसे लावले होते त्यांना एकाच दिवसात ३४ टक्के नफा मिळाला आहे.
७०० कोटी रुपयांचा हा IPO थेट १२४ पट जास्त भरला गेला होता. एका शेअरसाठी १२४ लोक भांडत होते.यात मोठ्या कंपन्यांनी म्हणजे QIB लोकांनी २३२ पट जास्त बोली लावली होती. मोठ्या गुंतवणूकदारांनी म्हणजे NII लोकांनी १८५ पट आणि छोट्या म्हणजे रिटेल गुंतवणूकदारांनी ४० पट जास्त पैसे लावले होते. कंपनीच्या कर्मचाऱ्यांसाठी जो भाग होता तो पण १२ पट भरला गेला होता. IPO येण्याआधीच कंपनीने अँकर गुंतवणूकदारांकडून २०७ कोटी रुपये उभे केले होते. IPO Listing Today:
लुमिनो इंडस्ट्रीज करते काय? तर ही कंपनी वीज पारेषण आणि वितरण म्हणजे Transmission आणि Distribution क्षेत्रात काम करते.सोप्या भाषेत सांगायचं तर वीजेच्या मोठमोठ्या टॉवरवर ज्या तारा असतात, घरात जी वायरिंग असते, पॉवर केबल असतात ते सगळं ही कंपनी बनवते. एवढंच नाही तर ही एक EPC कंपनी पण करते, म्हणजेच Engineering, Procurement and Construction. ती मोठ्या कंपन्यांना आपलं सामान पुरवते आणि बाहेरच्या देशात पण माल विकते.
कंपनी खास HTLS कंडक्टर बनवते. हे असे कंडक्टर आहेत जे जास्त तापमान सहन करतात आणि जास्त झुकत नाहीत. सध्या याला खूप मागणी आहे. याचबरोबर कंपनी रेल्वेचं विद्युतीकरण, मोठे सबस्टेशन बांधणे, सोलर प्रोजेक्ट आणि पाणी व्यवस्थापनाचे प्रोजेक्ट पण करते.
IPO मधून जो पैसा आला, त्याचा उपयोग कंपनी कर्ज फेडण्यासाठी करणार आहे. कंपनीवर सध्या ३८४ कोटी रुपयांचं कर्ज आहे. त्यामधला मोठा भाग फेडला जाईल. उरलेला पैसा कंपनी आपल्या कारखान्यासाठी नवीन मशीन विकत घेण्यासाठी, बांधकामासाठी आणि इतर कामांसाठी वापरणार आहे.
दरमहा 7,500 गुंतवा आणि करोडपती होण्याच्या दिशेने वाटचाल करा; Step-Up SIPचं हे गणित समजून घ्या!
२०२५-२६ या आर्थिक वर्षात कंपनीचा महसूल ७ टक्क्यांनी वाढून २०८९ कोटी रुपये झाला आहे. आधी तो १९४६ कोटी होता. आणि निव्वळ नफा तर २८ टक्क्यांनी वाढला आहे. नफा १२४ कोटींवरून थेट १६० कोटींवर गेला आहे. त्यामुळेच लोकांनी या IPO वर एवढा विश्वास दाखवला.सध्या बाजारात चांगल्या कंपन्यांना चांगली किंमत मिळत आहे. लुमिनोने पण पहिल्याच दिवशी गुंतवणूकदारांची निराशा केली नाही.
