फोटो सौजन्य - Social Media
Indian Institute of Technology Delhi (IIT Delhi) ने 2026 साठी नॉन-टीचिंग पदांवर भरती जाहीर केली असून, दिल्लीमध्ये चांगली नोकरी शोधणाऱ्या उमेदवारांसाठी ही मोठी संधी मानली जात आहे. विशेष म्हणजे 45 ते 55 वयोगटातील उमेदवारांनाही अर्ज करण्याची संधी उपलब्ध करून देण्यात आली आहे. इच्छुक उमेदवारांनी 08 एप्रिल 2026 पर्यंत ऑनलाईन अर्ज करणे आवश्यक आहे. या भरती प्रक्रियेत चीफ सिक्युरिटी ऑफिसर, मेडिकल ऑफिसर, करिअर काउन्सलर, सुपरिटेंडेंट इंजिनियर यांसारख्या महत्त्वाच्या पदांचा समावेश आहे. ही भरती सिक्युरिटी, हॉस्पिटल, करिअर सर्विस तसेच स्टेट अँड वर्क्स कॅडर या विभागांसाठी करण्यात येत आहे. त्यामुळे विविध क्षेत्रातील अनुभवी उमेदवारांसाठी ही उत्तम संधी ठरू शकते.
शैक्षणिक पात्रता आणि अनुभव
चीफ सिक्युरिटी ऑफिसर पदासाठी आर्मी, नेव्ही किंवा एअरफोर्समधील कमीशंड ऑफिसर किंवा पोलीस उपअधीक्षक स्तरावरील अधिकारी असणे आवश्यक आहे. उमेदवाराकडे मान्यताप्राप्त विद्यापीठाची किमान 55 टक्के गुणांसह पदवी आणि 15 वर्षांचा अनुभव असणे गरजेचे आहे. त्यामध्ये वरिष्ठ स्तरावरील कामाचा अनुभवही अपेक्षित आहे. मेडिकल ऑफिसर (सायकेट्रिस्ट) पदासाठी MBBS पदवी आणि इंटर्नशिप पूर्ण केलेली असावी. तसेच मान्यताप्राप्त रुग्णालयात किमान 3 वर्षांचा अनुभव असणे आवश्यक आहे.
करिअर काउन्सलर पदासाठी सायकोलॉजी, सोशल वर्क किंवा संबंधित विषयात किमान 55 टक्के गुणांसह मास्टर्स पदवी आणि 7 वर्षांचा अनुभव अपेक्षित आहे. विशेषतः सायकोमेट्रिक टेस्टिंग आणि करिअर मार्गदर्शनाचा अनुभव असणाऱ्यांना प्राधान्य दिले जाईल. सुपरिटेंडेंट इंजिनियर पदासाठी इंजिनियरिंग किंवा टेक्नोलॉजीमध्ये मास्टर्स पदवी (किमान 55 टक्के गुण) आवश्यक आहे. पर्यायी म्हणून बॅचलर पदवीसह दीर्घकालीन अनुभव असलेले उमेदवारही अर्ज करू शकतात.
अर्ज प्रक्रिया कशी कराल?
अर्ज शुल्क
या भरतीसाठी उमेदवारांची निवड तीन टप्प्यांत केली जाईल.
ही भरती विशेषतः अनुभवी उमेदवारांसाठी एक उत्कृष्ट संधी आहे. प्रतिष्ठित शैक्षणिक संस्थेत काम करण्याची इच्छा असलेल्या उमेदवारांनी वेळेत अर्ज करणे गरजेचे आहे. अधिक माहितीसाठी उमेदवारांनी अधिकृत अधिसूचना काळजीपूर्वक वाचावी.
