Exam Result : मोठी बातमी! KVS आणि NVS भरतीचे टियर-2 निकाल जाहीर; ‘या’ स्टेप्सद्वारे तपासा निकाल!

KVS NVS Tier 2 Exam Result 2026 Declared: केंद्रीय विद्यालय संगठन (KVS) आणि नवोदय विद्यालय समिती (NVS) मधील भरतीसाठी आयोजित केलेल्या टियर-2 परीक्षेचा निकाल जाहीर करण्यात आला आहे. केंद्रीय माध्यमिक शिक्षण मंडळाने पीजीटी फिजिक्स, वाईस प्रिन्सिपल आणि स्टेनोग्राफर ग्रेड 2 पदांसाठीचे टियर-2 निकाल घोषित केले आहेत. या भरती प्रक्रियेअंतर्गत टियर-2 परीक्षा २७ ते ३१ मार्च २०२६ या कालावधीत आयोजित करण्यात आली होती. परीक्षेची फायनल अॅन्सर की सुद्धा वेगवेगळ्या टप्प्यांमध्ये जाहीर करण्यात आली होती. या भरती प्रक्रियेत केव्हीएस आणि एनव्हीएसच्या टीचिंग आणि नॉन-टीचिंग पदांचा समावेश आहे.

या पदांचे निकाल झाले जाहीर

सीबीएसीतर्फे जारी करण्यात आलेल्या निकालामध्ये पीजीटी फिजिक्स व्यतिरिक्त नॉन-टीचिंग श्रेणीतील वाईस प्रिन्सिपल आणि स्टेनोग्राफर ग्रेड 2 पदांचा समावेश आहे. याआधीही अनेक पदांचे टियर-2 निकाल वेगवेगळ्या टप्प्यांमध्ये जाहीर केले गेले आहेत. १७ ऑगस्टपासून सुरू झालेल्या निकाल प्रक्रियेत पीजीटी आणि टीजीटी विषयांचे निकाल जाहीर करण्यात आले. त्यानंतर पीजीटी इकॉनॉमिक्स, पीजीटी हिस्ट्री आणि टीजीटी वर्क एक्सपिरियन्सचे निकाल आले. २१ ऑगस्ट रोजी पीजीटी केमिस्ट्री, असिस्टंट कमिश्नर आणि ज्युनियर असिस्टंटचे निकाल जाहीर करण्यात आले होते. आता पीजीटी फिजिक्स, वाईस प्रिन्सिपल आणि स्टेनोग्राफर ग्रेड 2 चे निकाल जाहीर झाले आहेत.

असा तपासा KVS-NVS टियर-2 निकाल

1. उमेदवार आपला निकाल पाहण्यासाठी KVS-NVS भरतीच्या अर्ज पोर्टलवर जावे.

2. येथे ‘लॉगिन’ या ऑप्शनवर क्लिक करून आपला रजिस्ट्रेशन नंबर आणि पासवर्ड टाकावा.

3. त्यानंतर कॅप्चा भरून लॉगिन केल्यानंतर संबंधित पदाचा निकाल स्क्रीनवर दिसेल.

4. आता उमेदवाराने आपला निकाल डाउनलोड करून घ्यावा.

5. तसेच, निकाल पुढील भरती प्रक्रियेसाठी सुरक्षित जपून ठेवावा.

कॉमर्सचा विद्यार्थी कसा बनला ‘AI Kid of India’? जाणून घ्या केरळच्या तरुणाची यशोगाथा..

निकालानंतर आता पुढील प्रक्रिया

टियर-२ मध्ये शॉर्टलिस्टिंग झाल्यानंतर पुढील टप्पा पदाच्या निवड प्रक्रियेनुसार असेल. ज्या पदांसाठी मुलाखत निश्चित आहे, त्यांसाठी शॉर्टलिस्ट केलेल्या उमेदवारांना पुढील प्रक्रियेत सामावून घेतले जाईल. तसेच, ज्या पदांवर स्किल टेस्ट आवश्यक आहे, त्या उमेदवारांना टेस्टची तारीख आणि इतर माहिती अर्ज पोर्टलद्वारे दिली जाईल. निवड प्रक्रियेमध्ये पदकानुसार मुलाखत, स्किल टेस्ट, दस्तऐवज पडताळणी आणि वैद्यकीय परीक्षा यांसारख्या टप्प्यांचा समावेश असेल.

टप्प्याटप्प्याने जाहीर होत आहेत निकाल

केव्हीएस आणि एनव्हीएस भरतीचे टियर-2 निकाल सीबीएसईतर्फे वेगवेगळ्या टप्प्यांमध्ये जाहीर केले जात आहेत. या परीक्षेत मोठ्या संख्येने उमेदवार सहभागी झाले होते आणि विविध विषयांच्या पदांचे व उत्तरपत्रिकांचे मूल्यांकन करण्यात आले आहे.

NEET PG 2026: नीट परीक्षेत वीज गेली किंवा कॉम्प्युटर हँग झाला तर काय कराल? NBEMS ने दिली महत्त्वाची माहिती!