मंगळवार, 20 ऑक्टोबर 2026
फोटो सौजन्य- सोशल मीडिया
NEET PG 2026 NBEMS Notice : नीट पीजी २०२६ परीक्षेत सहभागी झालेल्या उमेदवारांसाठी नॅशनल बोर्ड ऑफ एग्जामिनेशन इन मेडिकल सायन्सेस (NBEMS) ने चेतावणी दिली आहे. बोर्डाने उमेदवारांसोबतच फॅकल्टी, कोचिंग इन्स्टिट्यूट आणि परीक्षेशी संबंधित इतर लोकांना परीक्षेत विचारलेले प्रश्न लक्षात ठेवून ती माहिती शेअर करण्यापासून परावृत्त राहण्यास सांगितले आहे.
NBEMS नुसार, परीक्षेत विचारलेल्या प्रश्नांची चर्चा करणे, ते गोळा करणे, पुन्हा तयार करणे किंवा सोशल मीडियावर सर्क्युलेट करणे हे परीक्षेदरम्यान लागू असणाऱ्या नॉन-डिस्क्लोजर ॲग्रीमेंटचे (NDA) उल्लंघन मानले जाईल. बोर्डाने ही चेतावणी त्यांच्या अधिकृत व्हॉट्सॲप कम्युनिटी ग्रुपच्या माध्यमातून दिली आहे.
NBEMS ने नीट पीजी २०२६ शी संबंधित सर्व उमेदवार, शिक्षक आणि कोचिंग संस्थांना परीक्षेत विचारलेल्या प्रश्नांसंबंधी कोणतीही माहिती शेअर न करण्यास सांगितले आहे. बोर्डाचे म्हणणे आहे की, परीक्षेचे प्रश्न रिकॉल करणे किंवा मेमरी बेस पद्धतीने चर्चा करणे, ते गोळा करणे, पुन्हा तयार करणे किंवा इतर लोकांपर्यंत पोहोचवणे हे नीट पीजी २०२६ च्या इन्फॉर्मेशन बुलेटिनमध्ये दिलेल्या एनडीएचे उल्लंघन ठरेल. त्यामुळे सर्व संबंधित लोकांना परीक्षेच्या गोपनीयतेशी संबंधित नियमांचे पालन करण्याचा सल्ला देण्यात आला आहे.
DY Patil Education Society मध्ये ‘या’ पदांसाठी नोकरीची संधी; ११ सप्टेंबर २०२६ पर्यंत करा अर्ज
नीट पीजी परीक्षा ३० ऑगस्ट २०२६ रोजी पार पडली. NBEMS नुसार, बहुतांश परीक्षा केंद्रांवर परीक्षा सुरळीत पार पडली, मात्र राजस्थानमधील जयपूरच्या सीतापुरा येथील दोन केंद्रांवर उमेदवारांना तांत्रिक समस्येचा सामना करावा लागला. येथे अंतर्गत वीज पुरवठ्यात बिघाड झाल्यामुळे संगणक प्रणाली वारंवार प्रभावित झाली. यामुळे उमेदवारांना आपली परीक्षा पूर्ण करता आली नाही. या दोन्ही केंद्रांवर एकूण २,४४५ उमेदवार प्रभावित झाले.
तांत्रिक बिघाडानंतर संपूर्ण प्रकरणाचा आढावा टीसीएसची तांत्रिक टीम, NBEMS अधिकारी, फ्लाईंग स्क्वॉड, वीज पुरवठा आणि निरीक्षण पथकांसोबत घेण्यात आला. जयपूरचे एडीएम नरेंद्र वर्मा यांच्या मते, सिस्टीम बार-बार फेल होत असल्यामुळे परीक्षा पूर्ण करणे शक्य नव्हते. त्यामुळे उमेदवारांचे नुकसान टाळण्यासाठी पुन्हा परीक्षा घेण्याचा निर्णय घेण्यात आला.
‘Rich Dad Poor Dad’ चे लेखक रॉबर्ट कियोसाकी यांच्यावर १.२ अब्ज डॉलर्सचे कर्ज; नेमके प्रकरण काय?
जयपूरमधील प्रभावित उमेदवारांसाठी नीट पीजी २०२६ ची पुनर्परीक्षा ५ सप्टेंबर २०२६ रोजी आयोजित केली जाईल. परीक्षा दुपारी ३ वाजता सुरू होईल. ही री-एग्जाम केवळ त्या उमेदवारांसाठी आहे, जे ३० ऑगस्ट रोजी जयपूरच्या संबंधित दोन्ही सीतापुरा केंद्रांवर तांत्रिक समस्येमुळे आपली परीक्षा पूर्ण करू शकले नव्हते.
