मंगळवार, 20 ऑक्टोबर 2026
बालविवाहमुक्तीसाठी ३८ हजार नागरिकांची शपथ (फोटो सौजन्य- pinterest)
छत्रपती संभाजीनगर : नांदेडमध्ये मृत प्रियकराशी कुंकू लावून प्रतिकात्मक लग्न केल्याची घटना समोर आली आहे. आपली मुलगी दलित युवकाशी विवाह करणार आहे, असे समजल्यावर ज्या तरुणाच्या डोक्यात गोळी मारुन त्याला ठार करण्यात आले. त्याचे फरशीने डोक फोडले. मात्र, त्याच तरुणाशी प्रेयसी आंचल हिने प्रतिकात्मक लग्न करुन त्याच्याच घरी राहण्याचा निर्णय घेतला.
मृत तरुणाचे नाव सक्षम ताटे असे असून, त्याची प्रेयसी आंचलने सक्षम प्रेमात जिंकला असल्याची प्रतिक्रिया व्यक्त केली. सक्षम ताटे या तरुणाचे आंचल नावाच्या तरुणीवर प्रेम जडले होते. दोघांनीही लग्न करण्याचे ठरविले होते. हे प्रेम संबंध कळल्यावर मुलीच्या वडिलांनी आणि भावाने सक्षम ताटे यास मुलीपासून लांब राहा, असे सुनावले होते. पुढे या प्रेमीयुगुलास एकमेकांपासून दूर करण्यासाठी अन्य कोणाशीही बोल पण दलित तरुणाशी बोलू नकोस, असे मुलगी आंचलला सांगितले होते. मात्र, दोघांनी भेटणे आणि बोलणे सोडले नाही.
शेवटी सक्षम यास गाठून त्यास गोळी घालून ठार मारण्यात आले. त्याच्या डोक्यावर फरशीने वार करण्यात आला. याप्रकरणी गजानन मामीडवार, साहिल मामीडवार, सोमेश लाखे, वेदांत कुंदेकर आणि अन्य चौघानी हत्या केल्याच्या आरोपावरुन त्यांना अटक करण्यात आली.
दरम्यान, या प्रकरणातील खूनाच्या आरोपींना पोलिसांनी अटक केल्यानंतर न्यायालयासमोर उभे केले असता त्यांना आठ दिवसांची पोलीस कोठडी मंजूर करण्यात आली आहे. सक्षम ताटे आणि आंचल यांच्यातील प्रेमाची कहाणी आता ज्याच्या त्याच्या तोंडी आहे. केवळ जातीबाहेर प्रेम केले म्हणून झालेल्या खूनातील पुरावे पोलीस गोळा करत आहेत. मुलीचे आई-वडील आणि भाऊ सारे आरोपी अटकेत असताना मुलगी मात्र आता प्रियकराच्या घरी मुक्कामी आहे.
हेदेखील वाचा : Mumbai Crime: ‘लग्नासाठी पैशांची गरज’… सावत्र सुनेचा भयानक कट; सीसीटीव्ही फुटेजवरून हत्येचा उलगडा, काय आहे प्रकरण?
