सोमवार, 19 ऑक्टोबर 2026
पोलिस ठाण्यातच महिलांची फ्री-स्टाईल हाणामारी
शेख मोहम्मद आरेफ, रेहाना बेगम शेख अकबर, सादिया खान शब्बीर खान, सदफ फारुख खान, लुबना फारुख खान व जकीया सय्यद जाहेर अशी ठाण्याच्या आवारात फ्रीस्टाईल मारहाण करणाऱ्यांची नावे असून त्यांच्यविरोधात बेगमपुरा पोलिस ठाण्यात गुन्हा दाखल करण्यात आला आहे. प्रकरणात बेगमपुरा पोलिस ठाण्यातील अंमलदार छाया तुकाराम सिरसे (४३) यांनी दिलेल्या फिर्यादीनुसार, १५ एप्रिल रोजी दुपारी ३ ते रात्री ९ या शिफ्टमध्ये त्या ठाणे अंमलदार म्हणून कार्यरत होत्या.
दरम्यान, रात्री सुमारे ८.४५ वाजता शेख मोहम्मद आरेफ, रेहाना बेगम शेख अकबर, सादिया खान शब्बीर खान, सदफ फारुख खान, लुबना फारुख खान व जकीया सय्यद जाहेर या महिला एकमेकींविरुद्ध तक्रार देण्यासाठी पोलिस ठाण्यात आल्या होत्या. पोलिसांनी त्यांना वैद्यकीय तपासणीसाठी घाटीत पाठविण्याची प्रक्रिया सुरू केली होती. या प्रकरणी वरिल सहा जणांविरोधात भारतीय न्याय संहितेच्या कलम १९४ (२) व ३५२ अन्वये बेगमपुरा पोलिस ठाण्यात गुन्हा दाखल करण्यात आला आहे. पुढील तपास उपनिरीक्षक यादव करीत आहेत.
Heat Wave News: छत्रपती संभाजीनगरमध्ये उन्हाचा तडाखा! पारा ४१ अंशांवर; दुपारी रस्ते ओस तर…
याचवेळी ठाण्यातील पीएसओ रूमसमोरील मोकळ्या पटांगणात अचानक त्यांच्यात वाद सुरु झाला. सुरुवातीला शाब्दिक चकमकीतून सुरू झालेला वाद काही क्षणातच हाणामारीत परिवर्तित झाला. महिलांनी एकमेकींना शिवीगाळ करत केस ओढले, कपडे फाडणे आणि मारहाण करण्यास सुरुवात केली. पोलिस कर्मचारी सोनवणे, नलावडे, पठाण, कोहचाडे तसेच उपनिरीक्षक मोरे यांनी तात्काळ घटनास्थळी धाव घेत भांडण सोडवण्याचा प्रयत्न केला. काही वेळासाठी परिस्थिती नियंत्रणात आली; मात्र थोड्याच वेळात महिलांनी पुन्हा एकमेकांवर धावून जात पुन्हा हाणामारी सुरु केली. या प्रकारामुळे पोलिस ठाण्याच्या परिसरात काही काळ गोंधळाचे व तणावपूर्ण वातावरण निर्माण झाले होते. अखेर पोलिसांनी सर्वांना ताब्यात घेत परिस्थिती नियंत्रणात आणली.
