शाळेच्या ताब्यासाठी दोन गटात तुफान राडा, जीवघेणा हल्ला

कल्याण मधील एका शाळेत तुफान हाणामारी झाली. शाळेवर ताबा मिळवण्यासाठी शाळेच्या मैदानावर ही घटना घडली. दोन संस्थेमधील दोन गटाचा वादातून तुफान राडा उफाळून आला. व्यवस्थापकावर लाकडी दांडक्याने बेदम मारहाण करण्यात आली आहे.

राज्यातील धोकादायक शाळा इमारतींचे सर्वेक्षण होणार school (फोटो सौजन्य- pinterest)

Follow Us:

Follow Us:

कल्याण: शिक्षणाचे मंदिर असलेल्या शाळेच्या प्रांगणात गोंधळ, शिवीगाळ, मारहाण, कपडे फाडणे व दगडफेक असे प्रकार घडले आहे. कल्याण पूर्वेतील वालधुनी परिसरात असलेल्या शांती हिंदी विद्यालयाच्या ताब्यासाठी दोन गटात बेदम मारहाण झाली. व्यवस्थाकावर जीवघेणा हल्ला करण्यात आला. व्यवस्थापकाला दांडक्याने मारहाण करण्यात आली. या घटनेचा व्हिडीओ सोशल मीडियावर वायरल झाला आहे. या प्रकरणी महात्मा फुले पोलीस ठाण्यात दोन्ही गटावर गुन्हा दाखल केला आहे. या घटनेने कल्याण परिसरात मोठी खळबळ उडाली आहे.

Pune News: गोखले इन्स्टिट्यूटसह सर्व्हंटस् ऑफ इंडियातील व्यवहारांचे होणार फॉरेन्सीक ऑडीट

नेमकं प्रकार काय?

शांती हिंदी विद्यालयाच्या ताब्यासाठी दोन संस्थेमधील दोन गटाच्या वादातून तुफान राडा झाला. शाळेच्या मैदानातच व्यवस्थापकावर लाकडी दांडक्याने बेदम मारहाण करण्यात आली. या घटनेचा व्हिडीओ सोशल मीडियावर वायरल झाला. ५ एप्रिल रोजी सकाळी ही घटना घडली होती.

कल्याण पूर्वेतील वालधुनी परिसरात असलेल्या शांती हिंदी विद्यालयाचे संस्थेचे स्वयंसेवक व केअरटेकर म्हणून काम करत असलेल्या विवेक श्रीकांत पांडे काम करत होते. या वेळी शाळेचे आधीच्या संस्थेत असलेले विनोद पांडे, गगन जैस्वार, नीतू पांडे, श्वेता पांडे, सुष्मा पांडे आपल्या इतर साथीदारा शाळेच्या ग्राउंडमध्ये आले. त्यांनी विवेक पांडे यांना लाकडी दांडक्याने बेदम मारहाण केली. इतकेच नाही तर त्याच्या तोंडावर काळे लावून एका खोलीत डांबून ठेवले. या जीवघेणा हल्लात ते गंभीर जखमी झाले आहे.

शाळेच्या मुख्याध्यापिका सुमित्रा तिवारी यांनीही पोलीस ठाण्यात तक्रार दाखल केली आहे. त्यांच्या जबाबानुसार विवेक पांडे व इतरांनी त्यांच्यावरही हल्ला केला. त्यांचे कपडे फाडून लज्जास्पद कृत्य केले आणि ७ हजार रुपये बळजबरीने काढून घेतले. त्यांच्यासह अनेक महिलांनी शाळेच्या आवारात शिवीगाळ, आरडाओरडा केला. तसेच दगडफेक केल्याचा आरोप करण्यात आला आहे. तर याप्रकरणी महात्मा फुले पोलिसांनी दोन्ही संस्थेच्या 15 ते 20 जणांना त्याचा प्रयत्न जबरी चोरीसह अनेक कलमा अंतर्गत गुन्हे दाखल केला. या घटनेने कल्याण परिसरात मोठी खळबळ उडाली आहे.

Web Title: Clashes erupt between two groups over control of school fatal attack video goes viral

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com