मंगळवार, 20 ऑक्टोबर 2026
खळबळजनक ! पुण्यात आयटी मॅनेजरवर भोंदूबाबाचा लैंगिक अत्याचार; 25 वर्षांपासून प्रकार होता सुरु, व्हिडिओ-फोटो काढले अन्... (फोटो सौजन्य : iStock)
मुंबई : इन्स्टाग्रामवर स्वतःची खरी ओळख लपवून लग्नाचे आमिष दाखवत २९ वर्षीय तरुणीवर लैंगिक अत्याचार केल्याचा धक्कादायक प्रकार समोर आला आहे. इतकेच नाहीतर या आरोपीने स्वत:चे खरे नाव लपवून पीडितेशी जवळीक साधल्याचे उघड झाले आहे. या घटनेमुळे परिसरात ‘लव्ह जिहाद’चा प्रकार असल्याची चर्चा असून संतापाची लाट उसळली आहे.
आरोपी बीडचा असून, राजू सिकंदर शेख असे त्याचे मूळ नाव आहे. अजय म्हस्के या खोट्या नावाने इन्स्टाग्रामवर २०२५ मध्ये त्याने पालघरच्या महिलेशी ओळख वाढवली. तिला लग्नाचे आमिष दाखवले. विश्वास संपादन केल्यावर मोबाईलवर दोघांत संवाद सुरू झाला. पुढे २३ डिसेंबर २०२५ रोजी आरोपीने पीडितेची केळवा येथे भेट घेतली आणि लग्नाचे आमिष दाखवून जवळीक साधली. देवीपाडा येथे हॉटेलमध्ये त्याने तिच्यावर अत्याचार केले. तेथेच पीडितेने त्याचे आधारकार्ड पाहिले असता त्याचे खरे नाव राजू सिकंदर शेख असून, तो बीडचा असल्याचे समोर आले.
हे सुद्धा वाचा : पुण्यात विवाहित महिलेची आत्महत्या, धक्कादायक कारणही समोर; पती, सासू-सासऱ्यांसह सात जणांना अटक
दरम्यान, ओळख उघड होऊनही त्याने जून २०२५ मध्ये लग्नाचे खोटे आश्वासन देऊन पुन्हा गेल्या २२ फेब्रुवारी आणि १५ मार्च रोजी पीडितेचे शारीरिक शोषण केले.
फोटो व्हायरल करण्याची दिली धमकी
आरोपीने पीडितेकडून ६ महिन्यांत २.५ लाख रुपये उकळले. आरोपी आधीच विवाहित असून, त्याला २ मुले असल्याचे त्याने पीडितेपासून लपवून ठेवले होते. पीडितेला फसवणुकीची जाणीव झाली, तेव्हा आरोपीच्या पत्नीने तिचे खाजगी फोटो, व्हिडिओ व्हायरल करण्याची धमकी दिली. त्या बदली पीडितेकडे आणखी २ लाख रुपयांची मागणी करण्यात आली. यामुळे पीडिता मानसिक दबावाखाली आली होती.
महिलेचे अश्लिल व्हिडिओ केले व्हायरल
दुसऱ्या एका घटनेत, प्रेमसंबंधातून उद्भवलेल्या वादाच्या पार्श्वभूमीवर एका महिलेचे अश्लील फोटो व व्हिडिओ सोशल मीडियावर व्हायरल करून तिची व कुटुंबाची बदनामी केल्याप्रकरणी एका आरोपीला पोलिसांनी अटक केली आहे. ही कारवाई शुक्रवारी (दि. १०) रात्री सुमारे दहा वाजण्याच्या सुमारास हिंगोली येथून करण्यात आली आहे. आरोपीला न्यायालयात हजर केले असता तीन दिवसांची पोलीस कोठडी सुनावण्यात आली आहे.
