गुरुवार, 15 ऑक्टोबर 2026
संग्रहित फोटो
मिळालेल्या माहितीनुसार, चालू वर्षाच्या सुरुवातीला म्हणजेच १४ जानेवारी रोजी सायंकाळी उमरखेड येथील नागचौक भागात दोन गटात वाद सुरू होता. हा वाद सोडवण्यासाठी गेलेल्या उमरखेड पोलिस स्टेशनच्या पोलिस अधिकाऱ्यांवर काही ज्ञात व अज्ञात आरोपींनी तलवार आणि दगडांनी भीषण हल्ला केला होता. या गुन्ह्यातील काही आरोपींना पोलिसांनी यापूर्वीच अटक केली होती. मात्र, घटनेच्या दिवसापासूनच मुख्य आरोपी शेख अन्सार हा पोलिसांना चकमा देऊन फरार झाला होता.
डी. बी. पथक गेल्या काही दिवसांपासून तांत्रिक विश्लेषण आणि गोपनीय माहितीच्या आधारे या आरोपीवर पाळत ठेवून होते. अखेर सोमवारी आरोपी उमरखेड येथील नांदेड रोड परिसरात आल्याची खात्रीशीर माहिती पथकाला मिळताच पोलिसांनी तातडीने सापळा रचून त्याला शिताफीने अटक केली. या आरोपीला मंगळवारी न्यायालयात हजर करण्यात आले असता त्याला पोलिस कोठडी सुनावण्यात आली. या प्रकरणाचा पुढील तपास सहायक पोलिस निरीक्षक गंगलवाड करीत आहेत. आरोपीला पकडण्यासाठी निर्देश दिले होते. ही कारवाई उमरखेड पोलिस ठाण्याचे ठाणेदार शंकर पांचाळ यांच्या मार्गदर्शनात स.पो.नि. व्यंकट गंगलवाड, डी.बी. प्रमुख पोलिस उपनिरीक्षक शरद लोहकरे, सहायक फौजदार पतंगे आदींनी केली.
Ans: शेख अन्सार शेख इस्माईल हा गेल्या १० महिन्यांपासून फरार होता. अखेर उमरखेड पोलिसांच्या डी.बी. पथकाने त्याला अटक केली.
Ans: उमरखेड पोलिसांच्या डी.बी. पथकाने नांदेड रोडवर सापळा रचून शेख अन्सार शेख इस्माईल याला ताब्यात घेतले. १० महिन्यांपासून फरार असलेल्या मुख्य आरोपीला पकडण्यात पोलिसांना यश आले.
Ans: उमरखेड शहरातील नागचौक परिसरात पोलिस अधिकाऱ्यांवर तलवार आणि दगडाने जीवघेणा हल्ला करण्यात आला होता.
