(फोटो सौजन्य- इन्स्टाग्राम)
Bigg Boss Marathi Season 6 त्याच्या शेवटच्या टप्प्यात येऊन थांबला आहे. पुढचा आठवडा हा यंदाच्या पर्वातील शेवटचा आठवडा आहे. 18 आठवड्यांपूर्वी सुरु झालेला हा प्रवास आता काहीच दिवसात संपणार आहे. नुकतीच राखी सावंत बिग बॉसच्या घरातून एलिमिनेट झाली आहे. आता घरात एकूण सहा स्पर्धक उरले आहेत, यामध्ये राकेश बापट, तन्वी कोलते, दिपाली सय्यद, रेवा कौरसे, विशाल कोटियन, आणि अनुश्री माने या स्पर्धकांचा समावेश आहे.
बिग बॉसच्या घरात टोळी आणि काटा गॅंग असे दोन ग्रुप आहेत. घरात नेहमी काही ना काही घडताना दिसते. वाद – विवाद, मतभेद, मजा मस्ती पाहायला मिळतात.
घरात टोळीमध्ये फूट पडल्याचे पाहायला मिळाले होते. तर काही सदस्य बाहेर पडले, आता टोळीत अनुश्री आणि विशाल हे दोघेच उरले आहेत. पण काटा गॅंगमधील सदस्यांच्या मैत्रीची चर्चा झाली. या गॅंगमध्ये दिपाली सय्यद, तन्वी कोलते, राकेश बापट, रेवा कौरसे हे स्पर्धक आहेत. यामध्ये प्रभू देखील या गॅंगचा भाग होता. पण तो घराबाहेर पडला. आता मात्र घरात काटा गॅंगमध्ये फूट पडत असल्याचे पाहायला मिळत आहे.
नुकताच कलर्स मराठीने एक प्रोमो शेअर केला आहे. ज्यात असं दिसत आहे की, काटा गॅंगमध्ये फूट पडणार आहे. प्रोमोमध्ये पाहायला मिळत आहे. रितेश देशमुख राकेश बापटला म्हणतो की, राकेश तुमच्या समोर विंचू आहे. असा कोणता सदस्य आहे,जो डंख मारतो, ज्यांचे शब्द टोचतात. त्यावर राकेश म्हणतो, दिपाली आणि तन्वीला हे द्यायचं आहे. हे सगळे झाल्यानेतर तन्वी आणि दिपाली राकेशजवळ येतात. राकेश त्यांना म्हणतो,” स्पष्टपणे बोला. टोचून बोलू नका.” त्यावर तन्वी त्याला म्हणते, ” आपल्या घरातील भांडणे ही घरातच सोडवावीत. चौकात त्याचा बाजार मांडू नये”
View this post on Instagram
हा प्रोमो सध्या सोशल मीडियावर प्रचंड व्हायरल होत आहे. हा प्रोमो शेअर करताना राकेशचं बोलणं तन्वी आणि दिपालीच्या जिव्हारी लागणार का? असं कॅप्शन कलर्स मराठीने दिले आहे. याप्रोमो वर नेटकऱ्यांनी कमेंट्सचा पाऊस पाडला आहे.एकाने लिहिले, “एकाने लिहिले, “तन्वी व दिपाली दोघी खोट्या आहेत”, दुसऱ्या एकाने लिहिले, “राकेश बापट या पर्वाचा विजेता होणार”, आणखी एकाने लिहिले, “तन्वी तू मोठ्याने ओरडून बोलतेस तेव्हा सुद्धा चौकात बाजार मांडल्यासारखं वाटतं.
