बुधवार, 21 ऑक्टोबर 2026
स्वामींच्या अनुपस्थितीत स्वामीस्थानात अवधूतची अनपेक्षित एंट्री!
Jay Jay Swami Samarth: स्वामी कुठे आहेत? आणि त्यांच्या जागी आलेला हा छोटा अवधूत कोणतं गूढ घेऊन आला आहे? स्वामींच्या लीला अगाध आहेत, त्यांच्या शिकवणीची ताकद अमर्याद आहे आणि त्यांच्या भक्तांच्या रक्षणासाठी ते कोणत्या रूपात प्रकट होतील, याचा अंदाज बांधणंही कठीण! मालिकेच्या आगामी भागांत प्रेक्षकांना असाच एक अनपेक्षित आणि रहस्यमय अनुभव येणार आहे.
स्वामीस्थानात स्वामींची अनुपस्थिती असताना अचानक प्रवेश होतो एका आठ-नऊ वर्षांच्या चुणचुणीत मुलाचा अवधूतचा! त्याचं वय लहान असलं, तरी त्याची भाषा, त्याचा आत्मविश्वास आणि त्याच्या बोलण्यातून व्यक्त होणारी विलक्षण समज प्रेक्षकांना थक्क करणार आहे. स्वामींसारखी वाणी, विलक्षण शक्ती आणि रणजीतला थेट आव्हान… हा बालक नेमका आहे तरी कोण? ‘जय जय स्वामी समर्थ- जागर शक्तीचा, महिमा स्वामींचा’ दररोज रात्री ८.१० वा. कलर्स मराठीवर आणि कधीही कुठेही JioHotstar वर.
स्वामीस्थानात पाऊल ठेवताच रणजीत आणि त्याच्या साथीदारांशी अवधूतची गाठ पडते. रणजीतच्या डोक्यात विटी आदळल्यापासून सुरू होणारा हा सामना हळूहळू अधिकच रंजक आणि उत्कंठावर्धक बनतो. रणजीतच्या उर्मटपणाला न घाबरता, त्याच्याच भाषेत पण आपल्या निरागस आणि मिश्कील शैलीत उत्तर देणारा अवधूत त्याला चांगलाच जेरीस आणतो. लहान मुलाच्या रूपात असूनही त्याच्यात असलेली ताकद, त्याचं निर्भीड वागणं आणि स्वामींच्या शिकवणीचा अचूक अर्थ समजावून सांगण्याची त्याची हातोटी पाहून रणजीतसह त्याचे साथीदारही गोंधळून जातात.
स्वामींनी सांगितलेल्या शस्त्रांचा अर्थ केवळ ढाल, तलवार किंवा धनुष्यबाण एवढाच मर्यादित नसून, खऱ्या शस्त्रांची ताकद मनात आणि मनगटात असते, हे अवधूत आपल्या बालसुलभ पण मार्मिक शब्दांत पटवून देतो. रणजीतला त्याची ही निर्भीड उत्तरं सहन होत नाहीत. मात्र, अवधूतचा इशारा केवळ शब्दांपुरता राहत नाही. रणजीतला अचानक मृत्यूचं भय जाणवू लागतं आणि त्याची अवस्था पाहून त्याचे साथीदारही हादरून जातात. स्वामीस्थानात येऊन स्वामींनाच आव्हान देऊ पाहणाऱ्या रणजीतला आता स्वतःच्या विनाशाची चाहूल लागणार का?
दरम्यान, स्वामीस्थानात सुईत दोरा ओवण्याच्या साध्या कृतीतून संयम, सातत्य आणि तपश्चर्येचा अर्थ उलगडतो. ब्रह्मचारिणी देवीच्या दिव्य दर्शनातून चारही स्त्रियांना आपल्या अंतर्मनातील शक्तीची जाणीव होते. स्वामींनी दिलेली शिकवण हीच त्यांच्यासाठी एक प्रभावी शस्त्र ठरते. स्त्रियांना केवळ सहन करण्याची नव्हे, तर स्वतःमधील सामर्थ्य ओळखून अन्यायाविरुद्ध उभं राहण्याची प्रेरणा मिळते. पण रणजीतचा सूड शांत झालेला नाही. स्वामीस्थान जाळून टाकण्याचा कट रचणाऱ्या रणजीतसमोर अवधूत पुन्हा उभा ठाकतो. रणजीतने आखलेला मनसुबा, तो साध्य करू शकेल का ? स्वामींच्या अनुपस्थितीत त्यांच्या जागी जणू त्यांच्याच विचारांचा आणि सामर्थ्याचा प्रत्यय देणारा अवधूत नेमका कोण आहे? तो स्वामींचाच एखादा संकेत आहे, त्यांचा दूत आहे की या सगळ्यामागे आणखी काही दैवी रहस्य दडलं आहे? स्वामी कुठे आहेत?
या प्रश्नांची उत्तरं शोधताना प्रेक्षकांना अनुभवायला मिळणार आहे भक्ती, दैवी शक्ती, स्त्रीसामर्थ्य आणि अधर्माविरुद्धच्या संघर्षाचा एक नवा अध्याय. अवधूतच्या खट्याळपणामागे दडलेलं गूढ आणि स्वामींच्या प्रत्येक लीलेमागचा अर्थ जाणून घेण्यासाठी मालिकेचा आगामी भाग नक्की पाहा!
Divya Vinekar Death: मनोरंजनविश्वातून दुःखद बातमी! ‘डार्लिंग्स’ फेम अभिनेत्रीचे ४० व्या वर्षी निधन
Ans: स्वामींच्या अनुपस्थितीत स्वामीस्थानात अवधूतची अनपेक्षित एंट्री होत असल्याचे मालिकेच्या नव्या प्रोमोमधून समोर आले आहे.
Ans: अवधूतची स्वामींसारखी वाणी आणि विलक्षण शक्ती, तसेच रणजीतला दिलेले थेट आव्हान यामुळे कथानकात नवे वळण येण्याची शक्यता आहे.
Ans: ‘जय जय स्वामी समर्थ – जागर शक्तीचा, महिमा स्वामींचा’ ही मालिका दररोज रात्री ८.१० वाजता कलर्स मराठीवर प्रसारित होते.
