शुक्रवार, 23 ऑक्टोबर 2026
(फोटो सौजन्य- सोशल मीडिया)
Smita Jaykar : ज्येष्ठ अभिनेत्री स्मिता जयकर यांनी सुशांत सिंह राजपूतची आठवण सांगितली. मुंबईतल्या हिंदुजा रूग्णालयात सुशांत सिंग राजपूतवर उपचार सुरू होते. तो नैराश्येतून बाहेर पडण्याचा प्रयत्न करत असा खुलासा स्मिता जयकर यांनी केला आहे. सुशांत सिंग रूग्णालयात असताना त्या त्याला भेटून देखील आल्याचे त्यांनी सांगितले.
स्मिता जयकर अभिनयासोबतच स्पिरिच्युअल हीलर आहेत. त्यांनी रेकी, हीलिंग, मानसिक आरोग्यासाठी चक्र बॅलन्सिमग अशा गोष्टींचा त्यांनी अभ्यास केला आहे. सुशांतसाठीही त्यांनी एकदा हा प्रयत्न केल्याचे त्या म्हणाल्या. सुशांतच्या निधनानंतर त्यांनी एक खंतही व्यक्त केली.
हिंदुजा रूग्णालयात उपचार सुरू असाताना रियाचा मेसेज आला. ‘मी लगेच जाऊन भेटले. सुशांत माझ्यासोबत बोलला, त्याने माझी विचारपूस केली. त्याचा मूड चांगला होता. आश्रमात हिलिंग उपचारांसाठी कधी येता येईल यासंदर्भात आमचं बोलणं झाले पण ती भेट झालीच नाही. असं स्मिता यांनी सांगितले.
सिद्धार्थ कन्ननला दिलेल्या मुलाखतीत त्यांनी सांगितले की, ‘रिया आणि मी सोनाली केबलमध्ये एकत्र काम केले होते. मी प्राणीक हिलिंग करते हे तिला माहिती होते. म्हणून तिने मला मेसेज केला. आम्ही तिघे भेटलो. आश्रमात येण्याविषयी बोलणं झालं. मात्र त्याच रात्री रिआचा मला मेसेज आला की सुशांतची तब्येत खालावते आहे. ती भेट राहिली ती राहिलीच’, असं स्मिता यांनी सांगितले.
स्मिता जयकर पुढे म्हणाल्या, ‘सुशांत एक उत्तम अभिनेता आहे. आम्ही भेटलो तेव्हा त्याला मी घट्ट मिठी मारली. मला पाहून त्याला बरं वाटलं. त्याने माझी विचारपूस केली. तो चांगलं काम करायचा”. असं स्मिता यांनी सांगितले.
जेव्हा मला त्याच्या मृत्यूची बातमी कळली, तेव्हा मला वाटले,”तो माझ्याकडे का आला नाही? त्याने माझ्याशी पुन्हा संपर्क का साधला नाही? मी त्याला मदत करू शकले असते.?’
