बुधवार, 21 ऑक्टोबर 2026
फोटो सौजन्य - Social Media
Instagram Post च्या माध्यमातून दिली आनंदाची बातमी!
गडद जांभळ्या रंगाचा पारंपरिक वेष परिधान करून, बाबा अधोक्षज आणि आई चैतालीने गोंडस पिल्याला कुशीत घेतले आहे. मागे, मोठ्या अक्षरात बाळाचे नाव ‘अक्षोभ्य’ लिहले आहे. त्याभोवती फुलांची सजावट आहे. या सुंदर क्षणांना अधोक्षज कऱ्हाडेने त्याच्या सोशल मीडिया ID वर शेअर केले आहेत. त्याखाली कॅप्शन लिहीत बाळाच्या या नावाबद्दल भलीमोठी माहिती दिली आहे. पोस्टखाली कॅप्शनमध्ये नमूद आहे की, “लेकराचं बारसं झालं! नाव: चि. अक्षोभ्य चैताली अधोक्षज कऱ्हाडे! अर्थ: जो कधीही क्षुब्ध (अस्वस्थ) होत नाही. मनाने शांत आणि बुद्धीने स्थिर असणारा. कोणत्याही परिस्थितीत विचलित न होणारा. आता काही जणांना नाव अवघड वाटत असेल. पण कुठलचं नाव अवघड नसतं अहो. मुद्दा ते नाव घेण्याच्या सवयीचा असतो. म्हणून बघा बरं ५ वेळेला. सहज जमेल! बाकी शुभेच्छा आणि आशीर्वाद कायम सोबत राहुद्या!”
एकंदरीत, जो कोणत्याही परिस्थितीमध्ये अस्वस्थ होत नाही. डचमळून जात नाही, नेहमी स्थिर असणारा! असा अर्थ ‘अक्षोभ्य’ या नावाचा आहे. बाळाचे नाव ऐकून अधोक्षजच्या चाहतेमंडळींनी कमेंट्समध्ये त्यांची मते मंडळी आहेत. अनेक चाहत्यांना बाळाचे नाव फार आवडले असल्याचे दिसले आहे. तर काही चाहत्यांना ‘अक्षोभ्य अधोक्षज कऱ्हाडे’ हे एक प्रकारचे tongue twister वाटत आहे.
View this post on Instagram
बाबा अधोक्षजच्या नावाचा अर्थ काय?
अभिनेता अधोक्षजचे नावही नेहमी चर्चेत असते. पण या नावाचा अर्थ काय? तर ‘ते जे आपल्या ज्ञानेंद्रियांच्या अनुभवाच्याही पलीकडचे आहे.’
10 फेब्रुवारी 2026 रोजी, अभिनेता अधोक्षज कऱ्हाडेला बाळ झाल्याची बातमी स्वतः अधोक्षजने त्याच्या सोशल मीडियाच्या माध्यमातून दिली होती. बाळाच्या नामकरणाचीही बातमी त्याने सोशल मीडियाच्या माध्यमातून दिली असून बाळाला मोठ्या आशीर्वाद मिळत आहेत आणि आईवडिलांचे अभिनंदन केले जात आहेत.
