शुक्रवार, 16 ऑक्टोबर 2026
आंदोलनापूर्वीच अभिजीत दिपकेंना पोलिसांनी ताब्यात घेतलं
Delhi Police Detained CJP Abhijeet Dipke: दिल्लीतील सेंट्रल पार्क परिसरात कॉकरोच जनता पार्टीच्या लेहरा दो तिरंगा रॅलीपूर्वीच सीजेपी अध्यक्ष अभिजीत दिपके यांना पोलिसांनी ताब्यात घेतल्याची माहिती समोर आली आहे. सीजेपीच्या आंदोलनाला परवानगी नसतानाही हे आंदोलन बोलण्यात आल्याने त्यांना ताब्यात घेण्यात आल्याचे बोलले जात आहे. सीजेपीने आज लेहरा दो तिरंगा रॅली बोलवली होती. सीजेपी प्रवक्ते आशुतोष रांका आणि सौरव दास यांच्या अटकेविरोधात ही रॅली काढण्यात येणार आहे. जंतरमंतरवर तिरंगा फडकावल्याचा आरोपात सौरव आणि आशुतोष यांना तुरुंगात टाकण्यात आले आहे. याविरोधात ही रॅली काढली जाणार आहे.
#WATCH | Delhi | CJP Founder Abhijeet Dipke detained by Delhi Police CJP has called for ‘Lehra Do Tiranga’ protest at Central Park in Connaught Place today. Section 163 is in effect in Connaught Place and no permission has been granted by the NDMC for the Tiranga Yatra https://t.co/J7J0IqsUjH — ANI (@ANI) October 16, 2026 CJP Lehra Do Tiranga Rally: आम्ही गप्प बसण्यास नकार देतो
नुकत्याच हाती आलेल्या माहितीनुसार दिल्ली पोलिसांनी आयसा ची राष्ट्रीया अध्यक्षा नेहा बोरा यांनाही ताब्यात घेतल्याची माहिती समोर आली आहे. आयसाच्या अध्यक्षा नेहा बोरा यांना पोलिसांनी ताब्यात घेतले आहे. त्यांना मंडी हाऊसजवळ ताब्यात घेण्यात आले. त्या मंडी हाऊसपासून सेंट्रल पार्कच्या दिशेने पायी जाण्याचा प्रयत्न करत होत्या. नेहा बोरा यांना ताब्यात घेत असताना आयसाच्या कार्यकर्त्यांनी घोषणाबाजी केली.
अभिजीत दिपके आणि नेहा बोरा यांना ताब्यात घेतल्यानंतरही सीजेपीच्या कार्यकर्त्यांनी हे आंदोलन आपल्या हातात घेतल्याचे दिसत आहे. सीजेपी आणि आयसाच्या कार्यकर्त्यांनी राष्ट्रध्वज हाती घेऊन तिरंग रॅली सुरू केली आहे. तुम्ही आम्हा दोघांना ताब्यात घेतलं असलं तरी हा मोर्चा आणि आमचे आंदोलन थांबवू कत नाही, अशी संतप्त प्रतिक्रीया नेहा बोरा यांनी दिली आहे.
या आंदोलनाला आम आदमी पार्टी आणि डाव्या विद्यार्थी संघटना आयसा (AISA) व एसएफआय (SFI) यांचाही पाठिंबा मिळत आहे. सीजेपीच्या तिरंगा मार्चच्या घोषणेनंतर, कनॉट प्लेस परिसरात कडक सुरक्षा व्यवस्था ठेवण्यात आली आहे. दिल्ली वाहतूक पोलिसांनी वाहतुकीसाठी सूचना जारी केली आहे.
दिल्ली आपचे अध्यक्ष सौरभ भारद्वाज म्हणाले, “‘तिरंगा यात्रा’ पुकारण्यात आली आहे आणि आम्ही शेकडो तिरंग्यांसह पूर्णपणे तयार आहोत. आज आम्ही मध्य दिल्लीच्या विविध भागांमध्ये राष्ट्रध्वज फडकवणार आहोत. आज सकाळी आमच्या युवा कार्यकर्त्यांनी राष्ट्रपती भवन आणि संसदेसमोर २७० फूट लांबीचा तिरंगा फडकवला.” यानंतर, सर्व आप कार्यकर्त्यांनी दिल्लीतील आम आदमी पक्षाच्या कार्यालयासमोर तिरंगा फडकवण्यास सुरुवात केली, जिथून त्यांनी कनॉट प्लेसच्या दिशेने मोर्चा काढला.
