Asaram Bapu: मोठी बातमी! अत्याचार प्रकरणात आसाराम बापूला जामीन, SC चा निर्णय; मात्र…

Supreme Court: यापूर्वी आसाराम बापूला उपचारांसाठी खोपोलीत दाखल केले होते. एक आयुर्वेदिक रुग्णालयात त्याच्यावर उपचार सुरू होते. चोख सुरक्षा व्यवस्थेत त्याच्यावर उपचार सुरू होते.

आसाराम बापूला जामीन मंजूर

Follow Us:

Follow Us:

नवी दिल्ली: स्वयंघोषित आध्यात्मिक गुरु आसाराम बापूबाबत एक मोठी बातमी समोर येत आहे. आसाराम बापू सध्या अत्याचार प्रकरणात जन्मठेपेची शिक्षा भोगत होता. मात्र आता सुप्रीम कोर्टाने त्याच्याबाबत एक मोठा निर्णय दिल आहे. अत्याचार प्रकरणात जन्मठेपेची शिक्षा भोगत असलेल्या आसाराम बापूला जन्मठेपेच्या प्रकरणात सुप्रीम कोर्टाने जामीन मंजूर केला आहे. आरोग्याच्या कारणामुळे कोर्टाने आसाराम बापूला जामीन मंजूर झाला आहे.

सुप्रीम कोर्टाने अत्याचार प्रकरणातील आरोपी असलेल्या आसाराम बापूला जामीन मंजूर केला आहे. वैद्यकिय कारणांमुळे हा जामीन मंजूर करण्यात आला आहे. मात्र हा अंतरिम जामीन केवळ 31 मार्चपर्यंत वैध असणार आहे. जामीन मिळाल्यानंतर आसाराम बापूने आपल्या अनूयायांना भेटू नये असे निर्देश दिले आहेत. आसाराम बापूवर सध्या जोधपुर येथील आरोग्य मेडिकल सेंटरमध्ये उपचार सुरू आहेत. ते जोधपुरच्या तुरुंगात शिक्षा भोगत आहे.

यापूर्वी आसाराम बापूला उपचारांसाठी खोपोलीत दाखल केले होते. एक आयुर्वेदिक रुग्णालयात त्याच्यावर उपचार सुरू होते. चोख सुरक्षा व्यवस्थेत त्याच्यावर उपचार सुरू होते. अल्पवयीन मुलीवर अत्याचार प्रकरणात आसाराम बापूल जन्मठेपेची शिक्षा सुनावली होती. मागील काही दिवसांपासून आसाराम बापूला हृदयविकाराचा त्रास सुरू झाला होता. मात्र आता उपचारांसाठी आसाराम बापूल 31 मार्च पर्यंत जामीन मंजूर केला आहे.

प्रकरण काय? 

स्वयंघोषित आध्यात्मिक गुरु आसाराम बापूने एक अल्पवयीन मुलीवर अत्याचार केल्याप्रकरणी जोधपुर कोर्टाने जन्मठेपेची शिक्षा सुनावली आहे. त्याच्या आश्रमात एक महिला शिष्यवार अनेकदा अत्याचार केल्याप्रकरणी कोर्टाने त्याला दोषी ठरवले होते. आसाराम बापू सध्या 85 वर्षांचा आहे. 2013 पासून तो जोधपुर तुरुंगात शिक्षा भोगत आहे. जोधपुर पोलिसांनी 2013 मध्ये एक अल्पवयीन मुलीवर अत्याचार केल्याप्रकरणी अटक केली होती. दरम्यान पाच वर्षांच्या सुनावणीनंतर कोर्टाने आसाराम बापूला जन्मठेपेची शिक्षा सुनावली.

Supreme Court grants interim bail to self-proclaimed godman Asaram Bapu on medical grounds in a 2013 rape case. Supreme Court directs that Asaram shall not attempt to tamper with the evidence, and shall not meet his followers after he is released on interim bail. pic.twitter.com/aYWs2goGaE

— ANI (@ANI) January 7, 2025

तसेच गुजरातमधील गांधीनगर येथील एका आश्रमात स्वयंघोषित आध्यात्मिक गुरु आसाराम बापूवर एक महिलेने अत्याचाराचा गुन्हा दाखल केला होता. 31 जानेवारी 2023 प्रकरणी कोर्टाने आसाराम बापूला या प्रकरणात देखील जन्मठेपेची शिक्षा सुनावली होती. दरम्यान आता वैद्यकीय कारणांमुळे सुप्रीम कोर्टाने आसाराम बापूला जमीन मंजूर केला आहे. 31 मार्चपर्यंत जामीन मंजूर करण्यात आला आहे. या कालावधीत आपल्या अनुयायांना भेटू नये असे निर्देश सुप्रीम कोर्टाने दिले आहेत. तसेच त्याच्या भोवती चोख सुरक्षा व्यवस्था देखील ठेवण्याचे निर्देश कोर्टाने दिले आहेत. त्यामुळे त्याला जामीन मिळाला असला तरी सुरक्षेत राहावे लागणार आहे.

सूरतमधील एका तरुणीवर 2013 मध्ये अत्याचार केल्याचा आरोप आसाराम बापूवर लावण्यात आला होता. तर, या पीडित तरुणीच्या बहिणीवर आसारामचा मुलगा साई नारायण याने अत्याचार केला असल्याचा आरोप होता. या प्रकरणात आसारामशिवाय, त्याची पत्नी लक्ष्मी, मुलगी भारती आणि चार अनुयायी ध्रुवबेन, निर्मला, जस्सी आणि मीरा असे आरोपी होते.

Web Title: Supreme court grant interim bail to asaram bapu for medical reason assissination case

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com