रविवार, 18 ऑक्टोबर 2026
४२.५% भारतीयांचे स्वतःच्या आरोग्याकडे दुर्लक्ष! वेलनेस अहवालाने उघड केले धक्कादायक वास्तव, भविष्यातील आरोग्याच्या चिंता
भारतीय लोक स्वतःच्या आरोग्याकडे पुरेसे लक्ष देत नाहीत. विशेष म्हणजे आरोग्याकडे दुर्लक्ष करणे किती महागात पडू शकते, याची कल्पना असूनही सुमारे निम्मे भारतीय आरोग्याचा विषय गांभीर्याने घेत नाहीत, असे धक्कादायक वास्तव एका सर्वेक्षण अहवालातून समोर आले आहे. व्यवस्त वेळापत्रकाच्या नावाखाली सुमारे ४२.५ टक्के भारतीय आरोग्याकडे संपूर्ण दुर्लक्ष करतात तर ५७.४ टक्के भारतीयांना आरोग्याकडे दुर्लक्ष केल्याचे गंभीर परिणाम असूनही ते वेळ देऊ शकत नसल्याचे स्पष्ट झाले आहे.(फोटो सौजन्य – AI)
हे सर्वेक्षण आरोग्यविषयक जागरूकता आणि प्रत्यक्ष आचरण यांमधील तफावत अधोरेखित करते. ‘हॅबिल्ड’ या वेलनेस प्लॅटफॉर्मने केलेल्या या डेटा-आधारित अभ्यासात देशभरातील महानगरे आणि प्रमुख शहरांमधील ५,००० हून अधिक लोकांच्या प्रतिसादांचा समावेश होता. जागतिक आरोग्य दिनानिमित्त हे सर्वेक्षण करण्यात आले. या अभ्यासात असेही आढळून आले की, ४६ टक्के सहभागी शारीरिक हालचालींद्वारे तंदुरुस्त राहण्याचा प्रयत्न करतात, परंतु त्यात सातत्य राखण्यात अयशस्वी ठरतात. जवळपास ९० टक्के सहभागी ४५ वर्षे आणि त्याहून अधिक वयाच्या महिला होत्या. अहवालात म्हटले आहे की, ५७.८ टक्के सहभागींनी सांगितले की, त्यांना त्यांच्या आरोग्यासाठी काय चांगले आहे हे माहीत आहे, आणखी ४६ टक्के लोक तंदुरुस्त राहण्याचा सक्रियपणे प्रयत्न करतात.
सर्वेक्षणातील २८ टक्के प्रतिसादकर्त्यांनी कौटुंबिक जबाबदाऱ्यांना प्राधान्य दिले. १९.६ टक्क्यांनी कामाशी संबंधित तणाव आणि १७.५ टक्क्यांनी प्रेरणेचा अभाव ही आरोग्याला प्राधान्य न देण्याची मुख्य कारणे सांगितली.अभ्यासात असे म्हटले आहे की, दहापैकी एक भारतीय आठवड्यातून ३० मिनिटेही आरोग्यासाठी देत नाही, यावरून स्पर्धात्मक प्राधान्यक्रमांमध्ये आरोग्याकडे किती दुर्लक्ष केले जाते है दिसून येते.
मुंबई परिसरातील आरोग्यसंपन्न उपक्रमामुळे वंचित वस्त्यांमधील बालकुपोषणात ८५ टक्के घट
२८% मुख्य कारण सांगितले, १७.५% लोकांनी प्रेरणेचा अभाव हे कारण सांगितले, असा विश्वास आहे की, येत्या दशकात जीवनशैलीशी संबंधित आजार है सर्वांत मोठे आव्हान ठरेल २७.४% लोकांना मानसिक आरोग्य ही एक वाढती चिंता असल्याचे वाटते. लोक तंदुरुस्ती राखण्यासाठी सक्रिय, पण नियमितता नाही.
Ans: हृदयविकार, मधुमेह, लठ्ठपणा, रक्तदाब आणि इतर जीवनशैलीशी संबंधित आजार वाढू शकतात.
Ans: हा अहवाल लोकांच्या जीवनशैलीतील चुकीच्या सवयी, आरोग्याविषयी कमी जागरूकता आणि वाढत्या आजारांचा धोका दर्शवतो.
Ans: नियमित व्यायाम, संतुलित आहार, पुरेशी झोप आणि नियमित आरोग्य तपासणी करणे आवश्यक आहे.
