रविवार, 18 ऑक्टोबर 2026
पोट फुगण्याच्या समस्येपासून आराम मिळवण्यासाठी आहारात करा 'या' पदार्थांचे सेवन
शिळे अन्नपदार्थ, तिखट, तेलकट पदार्थांच्या सेवनामुळे पचनक्रिया बिघडण्याची शक्यता असते. याशिवाय अपुरी झोप, कामाचा तणाव, आहारात होणारे बदल इत्यादी गोष्टींमुळे शरीरात अनेक बदल होतात. पचनक्रिया बिघडल्यानंतर अनेक समस्यांना सामोरे जावे लागते. शरीरात ऍसिडिटीचा प्रमाण वाढल्यानंतर छातीमध्ये जळजळ होणे, गॅस, अपचन, बद्धकोष्ठता इत्यादी अनेक समस्या वाढू लागतात. अशावेळी अनेक लोक घाबरून डॉक्टरांच्या सल्ल्याने औषध उपचार करतात. मात्र यामुळे फारसा फरक शरीरात दिसून येत नाही. पचनक्रिया बिघडल्यानंतर आहारात बदल करून शरीराला पचन होईल अशाच पदार्थांचे सेवन करावे. आज आम्ही तुम्हाला छातीमध्ये होणारी जळजळ आणि पोट फुगण्याच्या समस्येपासून आराम मिळवण्यासाठी कोणत्या पदार्थांचे सेवन करावे, याबद्दल सविस्तर माहिती सांगणार आहोत.(फोटो सौजन्य – iStock)
पचनक्रिया बिघडल्यानंतर शरीरात विषारी पदार्थ तसेच साचून राहतात, ज्यामुळे आरोग्याला हानी पोहचण्याची शक्यता असते. पचनक्रिया बिघडल्यानंतर बडीशेप किंवा बडीशेपच्या पाण्याचे सेवन करावे. या पाण्याच्या सेवनामुळे पोटात साचून राहिलेले हानिकारक घटक बाहेर पडून जातात आणि पोट स्वच्छ होऊन पचनक्रिया सुधारते. बडीशेप खाल्यामुळे तोंडातील दुर्गंधी कमी होते. यासाठी पाण्यात बडीशेप टाकून पाणी व्यवस्थित उकळवून घ्या. त्यानंतर तयार केलेल्या पाण्याचे सेवन उपाशी पोटी करावे. यामुळे पोटातील वायू बाहेर निघून जातात.
आल्यामध्ये असलेले दाहक विरोधी गुणधर्म आरोग्यासाठी अतिशय पौष्टिक आहेत. आल्याचा वापर जेवणातील पदार्थ बनवण्यासाठी केला जातो. आलं खाल्यामुळे पचनक्रिया सुधारते. शरीरात साचून राहिलेले विषारी घटक बाहेर पडून जाण्यासाठी सकाळी उठल्यानंतर उपाशी पोटी आल्याच्या पाण्याचे किंवा बारीक आल्याचा तुकडा चावून खावा. यामुळे पोट स्वच्छ होते. आल्यामध्ये अँटी-बॅक्टेरियल आणि अँटी-इंफ्लेमेटरी गुणधर्म आढळून येतात, ज्यामुळे पोटात आणि छातीमध्ये होणारी जळजळ कमी होते आणि आराम मिळतो.
पचनक्रिया बिघडल्यानंतर दही खाण्याचा सल्ला दिला जातो. दह्यात प्रोबायोटिक्स आढळून येतात, जे पचनक्रिया सुधारण्यासाठी मदत करतात. याशिवाय पोटातील वायू कमी करण्यासाठी मदत करतात. आतड्यांचे बिघडलेले आरोग्य सुधारण्यासाठी दह्याचे सेवन करावे. ताक किंवा तुपाचा तुम्ही आहारात समावेश करू शकता. यामुळे पचनक्रिया निरोगी राहते.
चीनमध्ये सापडला नवा Batvirus; माणसांची करू शकतो शिकार, दुसऱ्या महामारीचे सावट?
पुदिन्याच्या पानांचा वापर प्रामुख्याने चटणी किंवा सरबत बनवण्यासाठी केला जातो. मात्र पचनक्रिया बिघडल्यानंतर तुम्ही पुदिन्याच्या पानांचा चहा बनवून पिऊ शकता. पुदिन्याच्या पानांमध्ये असलेले घटक शरीरातील उष्णता कमी करण्याचे काम करतात. याशिवाय यामध्ये असलेले मेन्थॉल पोटातील सूज आणि वायू कमी करण्यासाठी प्रभावी आहेत.
