सोमवार, 19 ऑक्टोबर 2026
कोरडा खोकला होईल कायमचा नष्ट! एक ग्लास दुधात मिक्स करून प्या 'हा' पदार्थ
खोकला कमी करण्यासाठी घरगुती उपाय?
थंडीच्या दिवसांमध्ये रोगप्रतिकारशक्ती कमी का होते?
सर्दी खोकल्यापासून आराम मिळवण्यासाठी घरगुती उपाय?
वातावरणातील बदलांच्या परिणामामुळे सर्दी, खोकला आणि इतर आजारांची शरीराला लागण होण्याची शक्यता असते. हवेमध्ये वाढलेल्या गारव्याचा परिणाम शरीरावर लगेच दिसून येतो. या दिवसांमध्ये शरीराची रोगप्रतिकारशक्ती कमी होऊन जाते. यामुळे रात्री झोपताना खोकला येणे, छातीत जळजळ होणे, घसा खवखवणे इत्यादी अनेक समस्या उद्भवण्याची शक्यता असते. वारंवार उद्भवणाऱ्या सर्दी, खोकल्यामुळे घशासंबंधित समस्या उद्भवण्याची जास्त शक्यता असते. कोरडा खोकला प्रामुख्याने रात्रीच्या वेळी खूप जास्त येतो. सतत येणाऱ्या खोकल्यामुळे डोकेदुखी, छातीमध्ये वेदना इत्यादी अनेक समस्या उद्भवू लागतात. सर्दी खोकला वाढल्यानंतर बऱ्याचदा मेडिकलमधील गोळ्या औषधांचे सेवन केले जाते. पेनिकलकच्या गोळ्यांचे सेवन केल्यामुळे शरीराला हानी पोहचते.(फोटो सौजन्य – istock)
सर्दी, खोकला, घशात वाढलेली खवखव आणि सुक्या खोकल्याच्या समस्येपासून आराम मिळवण्यासाठी घरगुती उपाय करावेत. घरगुती उपाय शरीरासाठी कायमच प्रभावी ठरतात. आयुर्वेदिक उपाय केल्यामुळे घशात वाढलेल्या खवखवपासून आराम मिळतो आणि शरीराला भरमसाट फायदे होतात. आज आम्ही तुम्हाला सुक्या खोकल्यापासून आराम मिळवण्यासाठी कोणत्या पदार्थांचे सेवन करावे, याबद्दल सविस्तर माहिती सांगणार आहोत. या पदार्थांच्या सेवनामुळे श्वसनमार्ग मोकळा होईल आणि फुफ्फुसांमध्ये चिकटून राहिलेली घाण स्वच्छ होईल.
जेवणातील अनेक वेगवेगळे पदार्थ बनवताना आल्याचा वापर केला जातो. आल्यामध्ये आढळून येणारे दाहक विरोधी गुणधर्म शरीरातील घाण बाहेर काढून टाकतात. यासाठी टोपात एक ग्लास पाणी गरम करून त्यात किसलेलं आलं घालून पाण्याला उकळी काढा. पाण्याला एक उकळी आल्यानंतर गॅस बंद करून पाणी गाळून घ्या. तयार केलेल्या काढ्यात मध घालून सेवन केल्यास शरीराला अनेक फायदे होतील. याशिवाय शरीरात साचून राहिलेले विषारी घटक सुद्धा बाहेर पडून जातील. आल्याच्या काढ्याचे सेवन केल्यास श्वसनमार्ग मोकळा होण्यास मदत होईल. तसेच रात्री सतत खोकला येत असल्यास आल्याचा बारीक तुकडा दातांखाली घेऊन चघळावा.
शरीरासाठी मध गुणकारी आहे. चमचाभर मध घेऊन त्यात चिमूटभर हळद टाकून मिक्स करून चाटण म्हणून खाल्ल्यास खोकला कमी होईल. कोरड्या खोकलाच्या समस्येपासून आराम मिळवण्यासाठी मध फायदेशीर ठरते. याशिवाय सकाळी उठल्यानंतर कोमट पाण्यात मध मिक्स करून प्यायल्यास खोकल्याच्या समस्येपासून आराम मिळेल. तसेच कोमट पाण्यात मधाचे सेवन केल्यामुळे वाढलेले वजन कमी होण्यास मदत होईल.
सुका खोकला आणि सर्दीपासून आराम मिळवण्यासाठी एक ग्लास कोमट दुधात हळद मिक्स करून प्यावी. तसेच दुधात तुम्ही एक चमचा तूप सुद्धा मिक्स करून पिऊ शकता. यामुळे सर्दी खोकला कमी होईल आणि आराम मिळेल. हळदीमध्ये असलेले घटक घशाला आलेली सूज कमी करण्यास मदत करतात. शरीरातील संसर्गसोबत लढण्यासाठी हळदीचे सेवन करावे.
Ans: भरपूर पाणी प्या, कारण हायड्रेशनमुळे श्लेष्मा पातळ होतो.
Ans: कोरड्या हवेमुळे त्वचेतील नैसर्गिक ओलावा कमी होतो.
