बुधवार, 14 ऑक्टोबर 2026
सतत गळणाऱ्या केसांमुळे वैतागला आहात? मग 'या' पदार्थांचा वापर करून घरीच बनवा आयुर्वेदिक पावडर
Hair Care Tips: केस गळणे किंवा केसांमध्ये कोंडा होणे या समस्या अतिशय सामान्य झाल्या आहेत. महिलांसह पुरुषांचे सुद्धा मोठ्या प्रमाणावर केस गळतात. केस गळणे, केसांमध्ये कोंडा होणे, केस तुटणे किंवा टाळूवर इन्फेक्शन वाढल्यानंतर केसांच्या समस्या वाढू लागतात. केस गळण्यास सुरुवात झाल्यानंतर बाजारात उपलब्ध असलेल्या महागड्या हेअर केअरचा वापर केला जातो. तर काहीवेळा केस अतिशय स्मूथ आणि चमकदार दिसावे, यासाठी वेगवेगळ्या हेअर ट्रीटमेंट केल्या जातात. केस गळण्यास सुरुवात झाल्यानंतर वारंवार शाम्पू बदलण्याऐवजी स्वयंपाक घरात उपलब्ध असलेल्या पदार्थांचा वापर करून केसांची काळजी घ्यावी. आज आम्ही केस गळणे थाबंवण्यासाठी आयुर्वेदिक पावडर कशा पद्धतीने बनवावी, चला तर जाणून घेऊया सविस्तर.(फोटो सौजन्य – istock)
आयुर्वेदिक पावडर तयार करण्यासाठी मोठ्या भांड्यात आवळा, जास्वंदाचे फुल, शिकेकाई, मेथी दाणे, भृंगराज पावडर एकसमान घ्या. त्यानंतर त्यात रिठा पावडर घालून पावडर व्यवस्थित मिक्स करून घ्या. तयार केलेली पावडर केस धुवण्याच्या आधल्या रात्री वाटीमध्ये घेऊन त्यात गरम पाणी घाला आणि पेस्ट तयार करून घ्या. रात्रभर तयार केलेली पेस्ट तशीच ठेवून द्या. दुसऱ्या दिवशी केस धुवण्याच्या आधी तयार केलेली पेस्ट केसांच्या मुळांपासून ते अगदी टोकांपर्यंत सगळीकडे लावून हलक्या हाताने मसाज करा आणि त्यानंतर अर्धा तास ठेवून पाण्याने स्वच्छ धुवून टाका.
रीठाचा वापर केल्यामुळे केसांना हलकासा फेस येईल आणि टाळू स्वच्छ होण्यास मदत होईल. हा उपाय आठवड्यातून एकदा किंवा दोनदा केल्यास केसांच्या समस्या कमी होईल. केसांमध्ये वाढलेला कोंडा कमी करण्यासाठी घरगुती उपाय अतिशय प्रभावी ठरतात. केसांच्या वाढीसाठी वारंवार कोणत्याही महागड्या हेअर केअरचा वापर करण्याऐवजी स्वयंपाक घरात उपलब्ध असलेल्या पदार्थांचा वापर करावा. सतत येणाऱ्या घामामुळे केसांमध्ये कोंडा वाढू लागतो. केसांमध्ये वाढलेल्या कोंड्यामुळे टाळूवर खूप जास्त खाज येते आणि केस गळण्यास सुरुवात होते.
आवळ्यामध्ये असलेले विटामिन सी आणि इतर आवश्यक पोषक घटक केसांच्या मुळांना पोषण देतात आणि टाळूवर जमा झालेला चिकटपणा कमी करण्यास मदत करतात. रिठाचा वापर केसांच्या समस्यांपासून आराम मिळवण्यासाठी केला जातो. केस धुवताना रिठा वापरल्यास मुळांसहित केस स्वच्छ होतात आणि केसांच्या वाढीवर सकारात्मक परिणाम दिसून येतात.
Ans: आवळा, शिकेकाई, रिठा आणि भृंगराज यांसारख्या वनस्पतीजन्य पदार्थांचा वापर करून केसांसाठी पावडर तयार करता येते.
Ans: आवळ्यामध्ये अँटिऑक्सिडंट्स आणि व्हिटॅमिन सी असते. केसांची निगा राखण्यासाठी आवळ्याचा वापर केला जातो. मात्र, आवळा पावडरमुळे केसगळती थांबते किंवा नवीन केस उगवतात, याचे ठोस वैज्ञानिक पुरावे मर्यादित आहेत.
Ans: शिकेकाई आणि रिठा यांचा वापर पारंपरिक नैसर्गिक केस स्वच्छ करण्यासाठी केला जातो. ते केसांवरील तेल आणि घाण काढण्यास मदत करू शकतात. मात्र, संवेदनशील त्वचेला त्यांचा त्रास होऊ शकतो.
