विनायक चतुर्थीला बाप्पाच्या नैवेद्यासाठी बनवा चविष्ट बेसनाचा हलवा, झटपट तयार होईल पदार्थ

गणपती बाप्पाच्या नैवेद्यासाठी घरात गोड पदार्थ बनवले जातात. लहान मुलांपासून मोठ्यांपर्यंत सगळ्यांचं गोड पदार्थ खायला खूप आवडतात. त्यामुळे आज आम्ही तुम्हाला बेसन हलवा बनवण्याची सोपी रेसिपी सांगणार आहोत. जाणून घेऊया रेसिपी.

विनायक चतुर्थीच्या दिवशी बाप्पाच्या नैवेद्यासाठी बनवा बेसनाचा हलवा

Follow Us:

Follow Us:

विनायक चतुर्थी पौष महिन्याच्या शुक्ल पक्षाच्या चतुर्थी तिथीला साजरी केली जाते. या दिवशी गणपती बाप्पाची विशेष पूजा करून बाप्पाला गोडाचा नैवेद्य दाखवला जातो. शिवाय अनेक महिला या दिवशी उपवाससुद्धा करतात. गणपती बाप्पाची मनोभावे पूजा आणि आराधना या दिवशी केली जाते. पण अनेकदा बाप्पाच्या नैवेद्यात कोणता गोड पदार्थ दाखवावा, असा प्रश्न सगळ्यांचं पडतो. अशावेळी तुम्ही बाप्पाच्या नैवेद्यासाठी बेसन हलवा बनवू शकता. बेसन हलवा बनवण्यासाठी जास्त वेळ लागत नाही. शिवाय तुम्ही बनवलेला गोड पदार्थ घरातील सगळ्यांचं नक्की आवडेल. गोड पदार्थ लहान मुलांपासून मोठ्यांपर्यंत सगळ्यांचं खूप आवडतात. चला तर जाणून घेऊया बेसन हलवा बनवण्याची सोपी रेसिपी.

नवनवीन रेसिपीसाठी इथे क्लिक करा

साहित्य:

• बेसन
• काजू बदाम तुकडे
• तूप
• वेलची पावडर
• दूध
• साखर
• केशर

नवनवीन रेसिपीसाठी इथे क्लिक करा

कृती:

• बेसन हलवा बनवण्यासाठी सर्वप्रथम, कढईमध्ये तूप गरम करण्यासाठी ठेवा. तूप गरम झाल्यानंतर त्यात बेसन टाकून मंद आचेवर व्यवस्थित भाजून घ्या.
• बेसन भाजताना गॅस फास्ट करून नये, अन्यथा बेसन जळून जाईल आणि पदार्थाला चांगली चव लागणार नाही.
• भाजलेल्या बेसनमध्ये हळूहळू गरम केलेले दूध टाकून व्यवस्थित मिक्स करून घ्या. बेसनाच्या गुठळ्या होऊ देऊ नये.
• मिक्स करून झाल्यानंतर त्यात साखर टाकून मिक्स करा. नंतर त्यात वेलची पावडर, काजू बदामाचे तुकडे आणि जायफळ पावडर टाकून हलवा एकत्र मिक्स करा.
• सगळ्यात शेवटी हलव्यामध्ये केशरचे दूध टाकून मिक्स करून घ्या.
• तयार आहे सोप्या पद्धतीमध्ये बनवलेला बाप्पाच्या नैवेद्यासाठी बेसन हलवा.

Web Title: How to make besana halwa at home vinayaka chaturthi special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com