वारंवार भूक लागल्यानंतर काय खावं सुचत नाही? मग घरी बनवा खुसखुशीत मटार करंजी, वाचा सोपी रेसिपी

थंडीच्या दिवसांमध्ये बाजारात मटार मोठ्या प्रमाणावर उपलब्ध असतात. त्यामुळे मटारपासून सोप्या पद्धतीमध्ये मटार करंजी बनवू शकता. हा पदार्थ बनवण्यासाठी अतिशय सोपा आहे. चला तर जाणून घेऊया रेसिपी.

घरी बनवा खुसखुशीत मटार करंजी

Follow Us:

Follow Us:

थंडीच्या दिवसांमध्ये सतत काहींना काही खाण्याची इच्छा होत राहते. अशावेळी अनेकदा बाहेरून विकत आणलेले पदार्थ खाल्ले जातात. पण सतत बाहेरून विकत आणलेले पदार्थ खाण्याऐवजी पौष्टिक आणि हेल्दी पदार्थांचे सेवन करावे. ज्यामुळे आरोग्यालासुद्धा फायदे होतील आणि कोणतीही हानी पोहचणार नाही. बाजारामध्ये मोठ्या प्रमाणावर अनेक वेगवेगळ्या भाज्या उपलब्ध झाल्या आहेत. त्यात पालेभाज्य, फळभाज्या इत्यादी भाज्या आरोग्यासाठी अतिशय पौष्टिक आहेत. त्यातील बाजारात सगळ्यात जास्त विकली जाणारी भाजी म्हणजे हिरवे वाटाणे. हिरवे वाटाणे लहान मुलांपासून मोठ्यांपर्यंत सगळ्यांचं खूप आवडतात. वाटाण्यांपासून भाजी, पुलाव, कटलेट इत्यादी अनेक पदार्थ बनवले जातात. पण तुम्ही कधी मटार करंजी खाल्ली आहे का? नसेल खाल्ली तर ही रेसिपी नक्की बनवून पहा. चला तर जाणून घेऊया मटार करंजी बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• हिरवे मटार
• मैदा
• बटाटा
• खोबऱ्याचे तुकडे
• मीठ
• हिरवी मिरची
• तेल
• हिंग
• आलं लसूण पेस्ट
• आमचूर पावडर
• धणे पावडर
• कोथिंबीर

नवनवीन रेसिपीसाठी इथे क्लिक करा

कृती:

• मटार करंजी बनवण्यासाठी सर्वप्रथम, ताटात मैदा घेऊन त्यात चवीनुसार मीठ टाकून कणिक मळून घ्या.
• त्यानंतर मळून घेतलेल्या पिठाला तेल लावून 10 ते 15 पीठ बाजूला ठेवून घ्या. यामुळे पीठ व्यवस्थित मऊ होईल.
• उकडवून घेतलेले मटार मिक्सरच्या भांड्यात टाकून त्यात हिरवी मिरची टाकून बारीक वाटून घ्या.
• वाटून घेतलेले मटार मॅश केलेल्या बटाट्यामध्ये टाकून मिक्स करा. नंतर त्यात चवीनुसार मीठ, धणे पावडर, आमचूर पावडर, आलं लसूण पेट आणि बारीक करून घेतलेलं खोबऱ्याचं वाटण त्यात टाकून मिक्स करा.
• कढईमध्ये तेल टाकून हिंग टाका. नंतर त्यात मिक्स करून घेतलेले मटारचे मिश्रण टाकून ५ मिनिटं शिजवून घ्या.
• तयार केलेलं सारण थंड झाल्यानंतर वाटीमध्ये काढून घ्या.
• मैद्याच्या पिठाचे छोटे छोटे गोळे करून पुऱ्या लाटून घ्या. लाटून घेतलेल्या पुऱ्यांमध्ये सारण भरून करंजी बनवा.
• तयार केलेली करंजी तेलात सोडून दोन्ही बाजूने व्यवस्थित भाजून घ्या. तयार आहे सोप्या पद्धतीमध्ये बनवलेली मटार करंजी.

Web Title: How to make crispy matar karanji at home simple food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com