हिवाळ्यामध्ये सोप्या पद्धतीत बनवा हेल्दी टेस्टी गुळाचा पराठा, चवीसह आरोग्याला होतील भरपूर फायदे

हिवाळ्यात गूळ खाल्याने आरोग्याला अनेक फायदे होतात. नुसतेच गूळ खाण्याऐवजी तुम्ही गुळापासून बनवलेला हेल्दी टेस्टी पराठा खाऊ शकता. चला तर जाणून घेऊया गुळाचा पराठा बनवण्याची सोपी रेसिपी.

हेल्दी टेस्टी गुळाचा पराठा

Follow Us:

Follow Us:

हिवाळ्यात शरीराला पौष्टिक आणि हेल्दी आहाराची आवश्कयता असते. त्यामुळे आहारात बदल करून आरोग्याची काळजी घेणे आवश्यक आहे. त्यामुळे हिवाळ्याच्या दिवसांमध्ये गुळाचे सेवन करावे. नैसर्गिक गोडवा असलेले गूळ जेवणातील पदार्थांसह औषधासाठी सुद्धा वापरले जाते. खीर, शिरा, लापशी किंवा इतर गोड पदार्थ बनवण्यासाठी गुळाचा वापर केला जातो. गुळाचे सेवन केल्यामुळे शरीरातील रक्त शुद्ध होते. त्यामुळे तुम्ही कोमट पाण्यासोबत गुळाचे सेवन करू शकता. मधुमेह किंवा इतर आजारांनी त्रस्त असलेल्या लोकांनी साखरेचे सेवन करण्याऐवजी गुळाचे सेवन करावे. यामुळे रक्तातील साखर नियंत्रणात राहते. गुळापासून बनवलेला लाडू, चिक्की किंवा इतर पदार्थ तुम्ही खाल्ले असतील पण कधी गुळाचा पराठा खाल्ला आहे का? नसेल खाल्ला तर ही रेसिपी नक्की बनवून पहा. आज आम्ही तुम्हाला सोप्या पद्धतीमध्ये गुळाचा पराठा बनवण्याची रेसिपी सांगणार आहोत. चला तर जाणून घेऊया.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• गव्हाचं पीठ
• गूळ
• बडीशेप
• तूप
• मीठ

कृती:

• गुळाचा पराठा बनवण्यासाठी सर्वप्रथम, ताटात गव्हाचं पीठ चाळून त्यात चवीनुसार मीठ आणि तूप घालून मिक्स करून घ्या.
• नंतर त्यात गरजेनुसार पाणी टाकून पीठ मळून घ्या. पीठ मळताना जास्त पाणी टाकू नये.
• गुळाचा खडा घेऊन किसणीच्या साहाय्याने गूळ व्यवस्थित किसून घ्या. किसलेल्या गुळात बारीक करून घेतलेली बडीशेप मिक्स करा.
• त्यानंतर मळून घेतलेल्या पिठाचे छोटे छोटे गोळे करून त्यात गुळाचे मिश्रण भरून पराठा व्यवस्थित लाटून घ्या.
• तव्यावर दोन्ही बाजूने पराठा भाजून झाल्यानंतर वरून तूप लावा.
• तयार आहे सोप्या पद्धतीमध्ये बनवलेला गूळ पराठा.

Web Title: How to make jaggery paratha at home benefits of eating jaggery

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com