हिवाळ्यामध्ये सकाळच्या नाश्त्यासाठी बनवा गरमागरम गाजर सूप, शरीरात टिकून राहील ऊर्जा

हिवाळ्याच्या दिवसांमध्ये सकाळच्या नाश्त्यासाठी नेमकं काय बनवावं हा प्रश्न पडल्यानंतर अनेक लोक बाहेरून विकत आणलेला नाश्ता करतात. मात्र असे न करता तुम्ही घरच्या घरी सोप्या पद्धतीमध्ये गाजर सूप बनवू शकता, जाणून घ्या रेसिपी.

सकाळच्या नाश्त्यासाठी बनवा गरमागरम गाजर सूप

Follow Us:

Follow Us:

राज्यभरात सगळीकडे थंडीचे वारे वाहू लागले आहेत. थंडी पडायला सुरुवात झाल्यानंतर आरोग्यासंबंधित अनेक समस्या उद्भवू लागतात. त्यामुळे या दिवसांमध्ये आरोग्याची जास्त काळजी घेणे गरजेचे आहे. थंडीच्या दिवसांमध्ये शरीरातील ऊर्जा आणि रोगप्रतिकारशक्ती कमी होऊन जाते. सतत सर्दी, खोकला इत्यादी आजार वाढू लागतात. या आजारांपासून शरीराचा बचाव करण्यासाठी आहारात पौष्टिक पदार्थांचे सेवन करावे. थंडीमध्ये वातावरणात गारवा वाढल्यामुळे शरीराला ऊब मिळण्यासाठी आहारात गरम आणि हेल्दी पदार्थांचे सेवन करावे. या पदार्थांचे सेवन केल्यामुळे शरीराची रोगप्रतिकारशक्ती वाढते आणि आरोग्याला अनेक फायदे होतात.

सकाळी उठल्यानंतर नाश्त्यामध्ये काय बनवावं? हा प्रश्न सगळ्यांचं पडतो. अशावेळी तुम्ही नाश्त्यामध्ये गाजर सूप बनवू शकता. थंडीमध्ये गाजर मोठ्या प्रमाणात उपलब्ध असतात. शिवाय गाजर खाल्यामुळे आरोग्याला अनेक फायदे होतात. आज आम्ही तुम्हाला थंडीच्या दिवसांमध्ये सोप्या पद्धतीत गाजर सूप कसे बनवावे याची सोपी रेसिपी सांगणार आहोत. हे सूप झटपट तयार होते. चला तर जाणून घेऊया रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• गाजर
• आलं
• पाणी
• तूप
• कांदा
• काळीमिरी पावडर

नवनवीन रेसिपीसाठी इथे क्लिक करा

कृती:

• गाजर सूप बनवण्यासाठी सर्वप्रथम, गाजर स्वच्छ त्यांची साल काढून मध्यम आकाराचे तुकडे करून घ्या.
• कुकरमध्ये तूप घालून गरम झाल्यानंतर बारीक चिरून घेतलेलं आलं, गाजर आणि कांदा टाकून व्यवस्थित परतून घ्या.
• गाजरला व्यवस्थित वाफ आल्यानंतर त्यात थोडेसे पाणी घालून शिजवून घ्या. त्यानंतर गॅस बंद गाजर थंड करा.
• मिक्सरच्या भांड्यात तयार केलेले मिश्रण टाकून बारीक पेस्ट करा.
• तयार पेस्ट टोपामध्ये घेऊन त्यात आवश्यकतेनुसार पाणी घालून उकळवून घ्या.
• नंतर त्यात चवीनुसार मीठ आणि काळीमिरी घालून मिक्स करा.
• तयार आहे सोप्या पद्धतीमध्ये बनवलेले गाजर सूप.

Web Title: Make hot carrot soup for breakfast in winter morning breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com