हरतालिकेच्या उपवासाला झटपट बनवा साबुदाण्याची तिखट लापशी, पौष्टिक पदार्थ खाल्यास पोट राहील भरलेले

उपवासाच्या दिवशी सर्वच घरांमध्ये साबुदाण्यांपासून अनेक वेगवेगळे पदार्थ बनवले जातात. आज आम्ही तुम्हाला साबुदाणा लापशी बनवण्याची सोपी रेसिपी सांगणार आहोत. हा पदार्थ सगळ्यांचं खूप जास्त आवडेल.

हरतालिकेच्या उपवासाला झटपट बनवा साबुदाण्याची तिखट लापशी

Follow Us:

Follow Us:

संपूर्ण महाराष्ट्रात गणपती बाप्पाच्या आगमनाच्या आधल्या दिवशी हरतालिका पूजा केली जाते. यादिवशी निर्जळी उपवास केला जातो. उपवासामध्ये ठरविक पदार्थांचे सेवन केले जाते. उपवकासाच्या दिवशी प्रत्येक घरात साबुदाणे खाल्ले जातात. आपल्यातील अनेकांना साबुदाणे खायला खूप जास्त आवडतात. यामध्ये कार्बोहायड्रेट्सचे प्रमाण जास्त असते, ज्यामुळे पोट दीर्घकाळ भरलेले राहते आणि लवकर भूक लागत नाही. साबुदाण्यांपासून खिचडी, वडा किंवा साबुदाण्याची खीर बनवली जाते. मात्र कायमच ठराविक तेच पदार्थ खाऊन कंटाळा आल्यानंतर तुम्ही सोप्या पद्धतीमध्ये साबुदाण्याची तिखट लापशी बनवून खाऊ शकता. हा पदार्थ अतिशय पौष्टिक आणि आरोग्यासाठी अतिशय गुणकारी आहे. उपाशी पोटी साबुदाण्याचे सेवन केल्यामुळे ऍसिडिटी किंवा अपचनाची समस्या वाढू लागते. चला तर जाणून घेऊया साबुदाण्याची लापशी बनवण्याची सोपी रेसिपि.(फोटो सौजन्य – istock)

रोजच्या वरण-भाताची वाढेल सुंदर चव! १५ मिनिटांमध्ये घरी बनवा ढाबास्टाईल दाल फ्राय, नोट करा रेसिपी

साहित्य:

• साबुदाणा
• दही
• हिरवी मिरची
• मीठ
• पाणी
• जिरं
• तूप

कृती:

• साबुदाण्याची लापशी बनवण्यासाठी सर्वप्रथम, साबुदाणे स्वच्छ धुवून रात्रभर पाण्यात भिजत ठेवा. त्यानंतर त्यातील पाणी काढून घ्या.
• मोठ्या भांड्यात दही घेऊन त्यात थोडेसे पाणी घालून मिक्स करा. त्यानंतर त्यात भिजवलेला साबुदाणा टाकून गॅसवर शिजण्यासाठी ठेवा.
• साबुदाण्याची लापशी बनवताना त्यात जास्त दही किंवा पाणी टाकू नये. यामुळे पदार्थाची चव खराब होते.
• साबुदाणे शिजल्यानंतर त्यातील पाणी थोडेसे पाणी काढून गॅस बंद करा.
• वाटीमध्ये दही घेऊन त्यात चवीनुसार मीठ आणि पाणी घालून व्यवस्थित मिक्स करा. त्यानंतर त्यात शिजवलेला साबुदाणा टाकून काहीवेळ झाकण मारून तसेच ठेवा.
• फोडणीच्या भांड्यात तूप गरम करून त्यात जिरं आणि हिरवी मिरची टाकून भाजा. तयार केलेली फोडणी साबुदाण्यांवर ओतून घ्या.
• तयार आहे सोप्या पद्धतीमध्ये बनवलेली साबुदाणा लापशी.

Web Title: How to make spicy sabudana lapsi at home simple food recipe nutritious dish

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com