धूळ, मातीमुळे पाय काळवंडले आहेत? मग टॅनिंग काढण्यासाठी ‘या’ पदार्थाचा करा वापर, पाय दिसतील गोरे

अनेकदा काळवंडलेले पाय पाहून लाजिरवण्यासारखे वाटते. पावसाळ्याच्या दिवसांमध्ये घाण, माती, धूळ इत्यादी अनेक कारणामुळे पाय काळे पडतात. काळे पडलेले पाय पुन्हा एकदा उजळ्वण्यासाठी पार्लरमध्ये जाऊन वेगवेगळ्या ट्रीटमेंट करून घेतल्या जातात. पण हे सर्व उपाय करण्यापेक्षा पायांवरील काळेपणा घालवण्यासाठी घरगुती उपाय करावे. घरगुती उपाय केल्यामुळे पायांवरील काळेपणा कायमचा निघून जाईल आणि पाय सुंदर आणि उजळलेले दिसतील.

पायावरील काळेपणा घालवण्यासाठी अशा पद्धतीने करा बेकिंग सोड्याचा वापर

Follow Us:

Follow Us:

पावसाळ्यासह इतर सर्वच दिवसांमध्ये जशी चेहऱ्याची काळजी घेतली जाते, तशीच काळजी पायांच्या त्वचेचीसुद्धा घेतली पाहिजे. सर्वच ऋतूंमध्ये वातावरणातील बदलांमुळे त्वचा काळी आणि टॅन होऊन जाते. टॅन झालेल्या त्वचेचा रंग सुधारण्यासाठी अनेक प्रयत्न केले जातात. पण पायांच्या त्वचेचे लक्ष दिले जात नाही. पायांच्या त्वचेकडे लक्ष न दिल्यामुळे काही दिवसांनंतर पायांची त्वचा हळूहळू खराब होण्यास सुरुवात होते. पायांचे टॅनिंग घालवण्यासाठी अनेक महिला पार्लरमध्ये जाऊन वेगवेगळ्या ट्रीटमेंट करून घेतात. या ट्रीटमेंट केल्यामुळे काही दिवसांसाठी त्वचा उजळलेली दिसते, मात्र काही दिवस झाल्यानंतर पुन्हा एकदा पायांची त्वचा होती तशीच होऊन जाते.

पावसाळ्याच्या दिवसांमध्ये चिखल आणि मातीमुळे चेहरा काळवंडून जातो. पावसाळ्याच्या दिवसांमध्ये नख सुद्धा मोठ्या प्रमाणावर खराब होतात. नखांमध्ये घाण किंवा कचरा साचून राहिल्यानंतर हळूहळू पायांची नख तुटून खराब होतात. तसेच नखांच्या आजूबाजूची त्वचा जाड आणि काळी होते. काळवंडलेले पाय घेऊन बाहेर गेल्यानंतर अनेकदा लाजिरवण्यासारखे वाटते. त्यामुळे आज आम्ही तुम्हाला बेकिंग सोड्याचा वापर करून पायांवरील काळेपणा कसा घालवायचा, याची पद्धत सांगणार आहोत.(फोटो सौजन्य-istock)

हे देखील वाचा: हेवी मेकअप करायला आवडत नाही? मग ‘हे’ प्रॉडक्ट वापरून रक्षाबंधनला करा नो मेकअप लुक

पायावरील काळेपणा घालवण्यासाठी अशा पद्धतीने करा बेकिंग सोड्याचा वापर:

साहित्य:

• बेकिंग सोडा
• पेट्रोलियम जेली
• लिंबाचा रस
• मध

हे देखील वाचा: पायाच्या नखांमध्ये दुखतंय का? या उपायांनी बरं वाटेल

कृती:

• पायावरील काळेपणा घालवण्यासाठी एका वाटीमध्ये बेकिंग सोडा घेऊन त्यात पेट्रोलियम जेली टाका.
• त्यानंतर त्यात लिंबाचा रस आणि मध टाकून मिक्स करून घ्या. मिक्स करून झाल्यानंतर तयार केलेले मिश्रण पायांना लावून ठेवा.
• नंतर हलक्या हाताने पायांवर मसाज करून घ्या. यामुळे तुमच्या पायाची काळी पडलेली त्वचा उजळण्यास मदत होईल.
• मसाज करून झाल्यानंतर पाय कोरडे करून स्वच्छ पाण्याने धुवून घ्या. हा उपाय आठवड्यातून दोनदा किंवा तीनदा केल्यामुळे
• पायांवरील काळेपणा कमी होईल.

बेकिंग सोडायचे फायदे:

• स्वयंपाक घरात बेकिंग सोडा सहज उपलब्ध होतो. जेवणातील काही पदार्थ बनवण्यासाठी बेकिंग सोड्याचा वापर केला जातो.
• बेकिंग सोड्यामध्ये अँटीफंगल, अँटीसेप्टिक आणि बॅक्टेरियाच्या वाढीस प्रतिबंध करणारे घटक आढळून येतात, ज्यामुळे काळी पडलेली त्वचा उजळण्यास मदत होते.
• बेकिंग सोड्यामध्ये असलेले बारीक बारीक कण त्वचा एक्सफोलिएट करण्यासाठी मदत करतात.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.

Web Title: Know how to remove tan for your feet

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com