घरी आलेल्या पाहुण्यांसाठी झटपट घरी बनवा कुरकुरीत ‘मिनी सामोसा’, दिसायलाच नाही तर चवीलाही लागतात मजेदार

Mini Samosa Recipe : मसालेदार स्टफिंगने भरलेला कुरकुरीत समोसा जवळपास सर्वांच्याच आवडीचा पदार्थ आहे. विकतचा कशाला तुम्ही घरीच तयार करू शकता मार्केट स्टाईल टेस्टी मिनी सामोसा.

(फोटो सौजन्य: Pinterest)

Follow Us:

Follow Us:

• सामोसा हा लहानांपासून मोठ्यांपर्यंत सर्वांच्याच आवडीचा पदार्थ आहे.
• घरी आलेल्या पाहुण्यांना स्टार्ट्स म्हणून द्यायला सामोसा एक उत्तम पर्याय आहे.
• आपण घरच्या घरी मिनी सामोसा कसा तयार करायची याची रेसिपी जाणून घेणार आहोत.

Recipe : सकाळच्या नाश्त्यासाठी परफेक्ट, घरी बनवा कुरकुरीत मार्केट स्टाईल ‘ब्रेड कटलेट’

मिनी समोसा बनवताना बाहेरून खुसखुशीत कवच आणि आतमध्ये मसालेदार, चविष्ट सारण यांचा सुंदर मिलाफ होतो. हे समोसे तुम्ही आधीच बनवून फ्रीजमध्ये साठवू शकता आणि हवे तेव्हा तळून गरमागरम सर्व्ह करू शकता. चला तर मग, घरच्या घरी अगदी बाजारासारखे मिनी समोसे कसे बनवायचे याची रेसिपी जाणून घेऊया.

साहित्य

कव्हरसाठी:

• 2 कप मैदा
• 3 टेबलस्पून गरम तेल (मोहन)
• चिमूटभर मीठ
• आवश्यकतेनुसार पाणी

• 3 उकडलेले बटाटे (कुस्करलेले)
• 1/2 कप उकडलेले मटार
• 1 टीस्पून जिरे
• 1 टीस्पून आलं-लसूण पेस्ट
• 1/2 टीस्पून हळद
• 1 टीस्पून लाल तिखट
• 1 टीस्पून गरम मसाला
• 1 टीस्पून धणे-जिरे पूड
• चवीनुसार मीठ
• 1 टेबलस्पून कोथिंबीर
• 1 टीस्पून लिंबाचा रस

कृती

• सर्वप्रथम एका भांड्यात मैदा, मीठ आणि गरम तेल घालून चांगले मिसळा. थोडे थोडे पाणी घालून घट्टसर पीठ मळून घ्या. झाकून 20 मिनिटे बाजूला ठेवा.
• कढईत थोडे तेल गरम करून त्यात जिरे घाला. तडतडल्यावर आलं-लसूण पेस्ट घालून परता.
• आता हळद, तिखट, धणे-जिरे पूड घालून हलके परता. त्यात कुस्करलेले बटाटे आणि मटार घालून चांगले मिसळा.
• मीठ, गरम मसाला, लिंबाचा रस आणि कोथिंबीर घालून सारण तयार करा. गॅस बंद करून थंड होऊ द्या.
• मळलेले पीठ लहान गोळ्यांमध्ये विभागा. प्रत्येक गोळी पातळ लाटून अर्धी कापा.
• अर्ध्या भागाचा कोन तयार करून त्यात तयार सारण भरा. कडांना पाणी लावून व्यवस्थित बंद करा.
• कढईत तेल गरम करून मध्यम आचेवर हे मिनी समोसे सोनेरी आणि कुरकुरीत होईपर्यंत तळा.
• गरमागरम मिनी समोसे हिरव्या चटणी किंवा चिंच-गुळाच्या चटणीसोबत सर्व्ह करा.

Web Title: Make market style tasty and cripsy mini samosa at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com