Zunka Recipe : रात्रीच्या जेवणाला बनवा झणझणीत गावराण स्टाईल झुणका, चव अशी की तोंडाला येईल पाणी

Zunka Recipe : झणझणीत झुणका आणि खमंग भाजलेली भाकरी यांचे काँम्बीनेशन काही वेगळेच लागते. रात्रीच्या जेवणासाठी हा पदार्थ एक चांगला पर्याय ठरतो. अस्सल गावराण पद्धतीत झुणका कसा तयार करायचा याची रेसिपी आज आपण जाणून घेणार आहोत.

(फोटो सौजन्य: Pinterest)

Follow Us:

Follow Us:

• झुणका भाकरी हा महाराष्ट्रीयन खाद्यसंस्कृतीतील एक लोकप्रिय आणि पारंपारिक पदार्थ आहे.
• रात्रीच्या जेवणासाठी ही रेसिपी एक चांगला पर्याय ठरते.
• भाजी काय बनवावी ते सुचत नसल्यास तुम्ही घरी झुणका बनवू शकता.

Veg Mutton Biryani Recipe : श्रावणात अशाप्रकरे बनवून खा ‘व्हेज मटण बिर्याणी’, नोट करा रेसिपी

साहित्य

• १ कप बेसन
• १ मोठा कांदा बारीक चिरलेला
• २ ते ३ हिरव्या मिरच्या बारीक चिरलेल्या
• ४ ते ५ लसूण पाकळ्या ठेचलेल्या
• १/२ टीस्पून मोहरी
• १/२ टीस्पून जिरे
• १/४ टीस्पून हिंग
• १/२ टीस्पून हळद
• १/२ टीस्पून लाल तिखट
• २ टेबलस्पून तेल
• १.५ ते २ कप पाणी
• चवीनुसार मीठ
• बारीक चिरलेली कोथिंबीर

कृती

• एका भांड्यात बेसन घेऊन त्यात थोडे मीठ आणि हळद मिसळा. त्यात थोडे पाणी घालून गुठळ्या होणार नाहीत अशा पद्धतीने मिश्रण तयार करा.
• कढईत तेल गरम करून त्यात मोहरी आणि जिरे घाला. ते तडतडल्यावर हिंग, ठेचलेला लसूण आणि हिरवी मिरची घालून काही सेकंद परतून घ्या.
• आता बारीक चिरलेला कांदा घालून तो हलका सोनेरी होईपर्यंत परता. कांदा चांगला परतल्यामुळे झुणक्याला अधिक खमंग चव येते.
• हळद आणि लाल तिखट घालून मिश्रण हलवा. मसाले जळणार नाहीत याची काळजी घ्या.
• तयार केलेले बेसनाचे मिश्रण कढईत ओतत असताना दुसऱ्या हाताने सतत ढवळत राहा. यामुळे बेसनाच्या गुठळ्या होणार नाहीत.
• मध्यम आचेवर झुणका सतत ढवळत शिजवा. पाणी आटून बेसन घट्ट होऊ लागले की झुणका तयार होत असल्याचे समजा. गरजेनुसार थोडे पाणी घालून त्याची घट्टपणा आपल्या आवडीनुसार ठेवा.
•  शेवटी बारीक चिरलेली कोथिंबीर घालून झुणका एकदा व्यवस्थित मिसळा. गरमागरम झुणका ज्वारीची किंवा बाजरीची भाकरी, कांदा आणि हिरव्या मिरचीच्या ठेच्यासोबत वाढा.

Web Title: Make tasty and spicy gavran style zunka at home marathi recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com