(फोटो सौजन्य: Pinterest)
संवेदनशील बनण्याचा प्रयत्न करा
आईवडील म्हणून त्यांचा आणि तुमचा परिचय असतो. पण वय वाढते तशा गोष्टी आणि नाती बदलतात किंबहुना त्या बदलल्या पाहिजेत. तुमचे तुमच्या आईवडिलांशी जे नाते आहे त्या विषयी तुम्ही अधिकाधिक संवेदनशील बनण्याचा प्रयत्न केला पाहिजे.
चुका सांगा
संवेदनशील असणे म्हणजे नुसते हळवे किंवा खूप भावनिक असणे नव्हे. संवेदनशीलतेमध्ये घरात काही अन्याय्य गोष्टी होत असतील तर त्या देखील तुम्हाला बोलून दाखवता आल्या पाहिजेत त्याही आईवडिलांचा अजिबात अपमान न करता किंवा त्यांना अजिबात न दुखावता काय चुकत आहे ते त्यांना सांगा.
वेळ काढून संवाद साधा
तुम्ही कितीही तुमच्या कामामध्ये व्यस्त असाल, तुम्हाला तुमच्या सांसारीक जबाबदाऱ्या असल्या तरी देखील आईवडिलाशी संवाद ठेवाच. त्यातही प्रत्यक्ष संवादावर भर द्या. ते अजिबातच जमत नसेल तर फोन अवश्य करा.
पालकांचं ऐका
संवादाच्या या प्रक्रियेत ऐकण्याला महत्व द्या. ते तुम्हाला जे काही सांगत आहेत ते शांत मनाने ऐकून घ्या. त्यांच्या बाबतीत अजिबात जजमेंटल होऊ नका, त्यांना बोलून मोकळे वाटत असते. त्यांचा मुलगा किवा मुलगी म्हणून नव्हे तर एक माणूस म्हणून त्यांची मोकळे होण्याची जागा बनण्याचा प्रयत्न करा.
आधुनिक गोष्टी शिकवा
सांसारिक जबाबदारी कमी झाल्यामुळे, ऑफिसमधून निवृत्त झाल्यामुळे आईवडिलांना घरात भरपूर मोकळा वेळ मिळतो. तुमच्या सुट्टीच्या दिवशी त्यांना साध्या पण महत्वाच्या तांत्रिक गोष्टी शिकवा, जसे की मोबाईल कसा वापरायचा, मेसेज कसा वाचायचा, टाईप कसा करायचा, गुगल वर गोष्टी कशा शोधता येतात, फेसबुक ही नेमकी काय गम्मत आहे इत्यादी. वेगाने वाढणारे आणि विकसित होत जाणाऱ्या तंत्रज्ञानामुळे उगाच माणसे दुरावतात. तुमच्या नात्यात असे होऊ देऊ नका. आपल्या आई-वडिलांना वेळ द्या.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
