10,000 नाही तर ‘इतकी’ पावलं चालल्याने रहाल ‘दीर्घायुषी’, नव्या अहवालातून खुलासा; गंभीर आजार छुमंतर

१०,००० पावले चालल्याने शरीर निरोगी राहते असे अनेकदा म्हटले जाते. पण १०,००० पेक्षा कमी पावले चालल्यानेही शरीर तंदुरुस्त राहते असे अमेरिकन जर्नलच्या अहवालात असे म्हटले आहे, जाणून घ्या

रोज किती पावलं चालल्याने वजन कमी होते (फोटो सौजन्य - iStock)

Follow Us:

Follow Us:

दररोज आपण ऐकतो की चालणे आरोग्यासाठी चांगले आहे. लोक १०,००० ही एक निश्चित संख्या देखील मनात ठेवतात की जर त्यांनी इतकी पावले चालली तर त्यांचे आरोग्य उत्तमच राहणार याची ही हमी आहे. यासाठी लोक स्वतंत्रपणे स्मार्टवॉच खरेदी करतात किंवा त्यांच्या फोनवर रोज किती पावलं चालले याबाबत माहितीही ठेवतात वा नोंद घेतात. परंतु, द लॅन्सेट पब्लिक हेल्थच्या एका नवीन अहवालानुसार, १०,००० पेक्षा कमी पावले चालूनही चांगले आरोग्य राखता येते. गंभीर आजारांना दूर ठेवण्यासाठी किती पावले पुरेशी असतील ते येथे जाणून घ्या.

काय सांगतो अभ्यास?

रोज किती पावलं चालावीत

लॅन्सेटच्या दिलेल्या अभ्यासानुसार, १०,००० नाही तर ७,००० पावले चालल्यानेही तुमचे आरोग्य चांगले राहते. १,६०,००० प्रौढांवर केलेल्या अभ्यासातून असे दिसून आले आहे की जर तुम्ही दररोज ७,००० पावले चाललात तर हृदयरोगाचा धोका २५ टक्क्यांनी कमी होतो, टाइप-२ मधुमेहाचा धोका १४ टक्क्यांनी कमी होतो, डिमेंशियाची शक्यता ३८ टक्क्यांनी कमी होते आणि नैराश्य २२ टक्क्यांनी कमी होते. अभ्यासात असेही म्हटले आहे की जर तुम्ही दररोज ४००० पावले चाललात तर तुमचे आरोग्य कोणतेही काम न करण्यापेक्षा कितीतरी पटीने चांगले असते.

30 मिनिटे चालणे ठेवते अनेक आजारांना दूर, जाणून घ्या रोज चालण्याचे फायदे

रोज चालण्याचे फायदे 

रोज चालण्याने शरीराला काय फायदे मिळतात

• दररोज चालण्याने कॅलरीज बर्न होतात, ज्यामुळे वजन कमी होण्यास मदत होते. तुम्हाला तुमचे वजन कमी करायचे असेल तर रोज तुम्ही साधारण ७ हजार पावलं वेगाने चालल्यास फायदा मिळू शकतो. त्यासाठी फक्त १० हजारच चालायला हवे असं अजिबात नाही 
• दररोज चालण्याने हृदय निरोगी राहते. चालण्याने रक्तदाब कमी होतो. तुम्हाला या रोगांपासून दूर रहायचे असेल तर नियमित चालावे 
• सांधेदुखीची समस्या कमी होते आणि संधिवात सारख्या समस्या दूर राहतात. पायांना हालचाल मिळण्याची गरज आहे. 
• शरीराची रोगप्रतिकारक शक्ती मजबूत होते आणि शरीर आजारांचे घर बनत नाही, तसंच तुम्ही कायम तंदुरुस्त राहता
• रक्तातील साखरेची पातळी कमी करण्यातही याचा परिणाम दिसून येतो
• मनःस्थिती चांगली राहते. चिंता, नैराश्य आणि नकारात्मक मूड दूर राहतो
• दररोज चालण्याने पाय टोन राहतात. यामुळे पाय आकारात येण्यास मदत होते
• चालण्यामुळे मेंदूला अनेक फायदे होतात. त्यामुळे सर्जनशील विचारसरणीदेखील वाढते.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: Walking 7000 steps are enough for weight loss no need of 10000 steps as per lancet study

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com