विकेंड स्पेशल! संध्याकाळच्या नाश्त्याला बनवा कुरकुरीत रेस्टॉरंट स्टाईल ‘चिकन पोपकोर्न’, चव अशी की लहानच काय मोठेही होतील खुश

Chicken Popcorn Recipe : संडे स्पेशन घरी काही चविष्ट आणि कुरकुरीत बनवायचं असेल तर चिकन पोपकोर्न तुमच्यासाठी एक उत्तम पर्याय आहे. याची रेसिपी फार झटपट तयार होते आणि पार्टी स्नॅक्ससाठी एक परफेक्ट पर्याय ठरते.

(फोटो सौजन्य: Pinterest)

Follow Us:

Follow Us:

• चिकन लव्हर्स असाल तर कुरकुरीत चिकन पोपकोर्नची चव तुम्हाला नक्कीच फार आवडेल.
• चिकनचे लहान तुकडे बॅटरमध्ये घोळवून त्यांना फ्राय केल्यावर त्याची कशी लागते हे तुम्ही एकदा चाखून पाहायलाचं हवं.
• मुख्य म्हणजे फार झटपट आणि निवडक साहित्यापासून आपण ही डिश तयार करणार आहोत.

मैद्याचे कशाला? आता घरीच बनवा बेकरी स्टाईल खुसखुशीत ‘गव्हाच्या पिठाचे बिस्कीट’, निवडक साहित्यापासून तयार होईल रेसिपी

बाजारात किंवा रेस्टॉरंटमध्ये मिळणाऱ्या चिकन पॉपकॉर्नमध्ये जास्त तेल, कृत्रिम फ्लेवर किंवा जास्त मसाले असतात. पण घरी बनवलेला चिकन पॉपकॉर्न हा अधिक हेल्दी, स्वच्छ आणि आपल्या आवडीनुसार मसाले घालून तयार करता येतो. कमी वेळात आणि अगदी सोप्या पद्धतीने हा कुरकुरीत स्नॅक्स तुम्ही घरी बनवू शकता. चला तर मग जाणून घेऊया घरगुती, कुरकुरीत चिकन पॉपकॉर्नची खास रेसिपी जाणून घेऊया.

साहित्य:

• 250 ग्रॅम बोनलेस चिकन (लहान चौकोनी तुकडे)
• 2 टेबलस्पून कॉर्नफ्लोअर
• 2 टेबलस्पून मैदा
• 1 टीस्पून आलं-लसूण पेस्ट
• 1 टीस्पून लाल तिखट
• ½ टीस्पून काळी मिरी पावडर
• ½ टीस्पून गरम मसाला
• ½ टीस्पून मीठ (चवीनुसार)
• 1 अंडं (ऑप्शनल, अधिक कुरकुरीसाठी)
• 1 टीस्पून सोया सॉस (ऑप्शनल)
• तळण्यासाठी तेल

 कृती:

• सर्वप्रथम एका भांड्यात चिकनचे तुकडे घ्या. त्यात आलं-लसूण पेस्ट, मीठ, लाल तिखट, काळी मिरी, गरम मसाला आणि सोया सॉस घालून नीट मिसळा.
• आता त्यात कॉर्नफ्लोअर, मैदा आणि अंडं घालून चिकन सर्व बाजूंनी कोट होईल असे मिक्स करा.
  हे मिश्रण 15–20 मिनिटे मॅरिनेट होऊ द्या.
• कढईत मध्यम आचेवर तेल गरम करा.
• तेल गरम झाल्यावर चिकनचे तुकडे थोडे-थोडे करून सोडून सोनेरी आणि कुरकुरीत होईपर्यंत तळा.
• तळलेले चिकन पॉपकॉर्न टिश्यू पेपरवर काढा, जेणेकरून अतिरिक्त तेल निघून जाईल.
• गरमागरम चिकन पॉपकॉर्न तयार आहे.
• गरम चिकन पॉपकॉर्न टोमॅटो केचप, मॅयोनीज, चीज डिप किंवा गार्लिक सॉससोबत सर्व्ह करा. वरून थोडी चाट
• मसाला किंवा लाल तिखट भुरभुरल्यास चव आणखी वाढते.
• तुम्ही हे चिकन पॉपकॉर्न एअर फ्रायरमध्ये किंवा ओव्हनमध्येही कमी तेलात तयार करू शकता.

Web Title: Weekend special make tasty and cripsy chicken popcorn at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com