मैद्याचे कशाला? आता घरीच बनवा बेकरी स्टाईल खुसखुशीत ‘गव्हाच्या पिठाचे बिस्कीट’, निवडक साहित्यापासून तयार होईल रेसिपी

Wheat Biscuit Recipe : चहाला बिस्किटांची साथ म्हणजे सुखच सुख. अनेकदा आपण हे बिस्कीट बाजारातून खरेदी करून आणतो पण तुम्हाला माहिती आहे का? तुम्ही पौष्टिक आणि खुसखुशीत असे गव्हाचे बिस्कीट घरीच तयार करू शकता.

(फोटो सौजन्य: Pinterest)

Follow Us:

Follow Us:

• चहासोबत बिस्किटांची मजाच काही वेगळी असते.
• सेवन आरोग्यासाठी चांगले नसते अशावेळी तुम्ही गव्हाच्या पिठापासून चविष्ट बिस्कीट तयार करू शकता.
• हे बिस्कीट निवडक साहित्यापासून तयार होतात आणि चवीला फार छान लागतात.

विशेष म्हणजे ही बिस्किटे तुम्ही लहान मुलांपासून मोठ्यांपर्यंत सगळ्यांसाठी निश्चिंतपणे बनवू शकता. चहा किंवा दूधासोबत खाण्यासाठी ही कुरकुरीत, सुगंधी आणि पौष्टिक गव्हाची बिस्किटे अगदी परफेक्ट लागतात. तुम्ही चहासोबत या घरगुती पौष्टिक बिस्किटांची मजा लुटू शकता. चला तर मग, सोप्या पद्धतीने घरच्या घरी गव्हाची बिस्किटे कशी तयार करायची याची सोपी रेसिपी जाणून घेऊया.

बटाट्याची नाही यावेळी बाजरीच्या पिठाची बनवा कुरकुरीत आणि टेस्टी टिक्की, रेसिपी नोट करा

साहित्य

• 1 कप गव्हाचे पीठ
• ½ कप पिठीसाखर (किंवा चवीनुसार)
• ¼ कप तूप किंवा लोणी
• ½ टीस्पून बेकिंग पावडर
• 1 चिमूट मीठ
• 1 टीस्पून वेलची पूड
• 2–3 टेबलस्पून दूध (गरजेनुसार)
• सजावटीसाठी काजू/बदाम (ऑप्शनल)

कृती

• सर्वप्रथम एका भांड्यात गव्हाचे पीठ, बेकिंग पावडर आणि मीठ चाळून घ्या.
• त्यात पिठीसाखर, तूप आणि वेलची पूड घालून नीट मिसळा.
• थोडे थोडे दूध घालत मऊ पण घट्ट पीठ मळून घ्या.
• पीठ 10–15 मिनिटे झाकून ठेवा.
• नंतर पीठ लाटून हव्या त्या आकारात बिस्किटे चाकूच्या मदतीने कापून घ्या.
• बेकिंग ट्रेवर बटर पेपर ठेवून बिस्किटे ठेवा व वरून काजू-बदाम लावा.
• आधी गरम केलेल्या ओव्हनमध्ये 170°C तापमानावर 15–18 मिनिटे बेक करा.
• बिस्किटे थंड झाल्यावर हवाबंद डब्यात साठवा.
• ओव्हन नसेल तर ही बिस्किटे जाड तव्यावर मंद आचेवरही भाजता येतात.
• साखरेऐवजी गूळ पावडर वापरून अधिक हेल्दी बिस्किटे तयार करू शकता.
• घरगुती गव्हाची बिस्किटे तयार झाली आहेत! आता चहाचा कप घ्या आणि या कुरकुरीत बिस्किटांचा मनसोक्त आनंद घ्या.

Web Title: Make tasty bakery style wheat biscuit recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com