रविवार, 18 ऑक्टोबर 2026
AIDS इन्फेक्शन कशामुळे पसरतो? संसर्ग टाळण्यासाठी 'हे' उपाय ठरतील प्रभावी
एड्स संसर्ग टाळण्यासाठी कोणते उपाय करावेत?
एड्स संसर्ग कोणत्या कारणामुळे होण्याची शक्यता असते?
जगभरात एड्स दिन साजरा करण्यामागील प्रमुख उद्देश?
जगभरात १ डिसेंबरला जागतिक एड्स दिन साजरा केला जातो. कोणत्याही वयात शरीराला गंभीर आजारांची लागण होऊ शकते. त्यामुळे शरीरात दिसून येणाऱ्या अतिशय सामान्य लक्षणांकडे दुर्लक्ष न करता वेळीच डॉक्टरांच्या सल्ल्याने उपचार करणे आवश्यक आहे. एड्स हा अतिशय धोकादायक आजार आहे. एड्सची लागण झाल्यानंतर शरीराची रोगप्रतिकारशक्ती अतिशय कमकुवत होऊन थकवा, अशक्तपणा जाणवू लागतो. यामुळे शरीरात दिसून येणाऱ्या अतिशय सामान्य लक्षणांशी सामना करणे सुद्धा कठीण होऊन जाते. शरीराची रोगप्रतिकारशक्ती कमकुवत झाल्यामुळे शरीरात अनेक बदल दिसून येतात. या धोकायदाक आजाराबद्दल जनजागृती करण्यासाठी १ डिसेंबरला जागतिक एड्स दिन साजरा केला जातो. आज आम्ही तुम्हाला एड्स इन्फेक्शन कशामुळे पसरते? धोकादायक आजारांपासून शरीराचा बचाव करण्यासाठी कोणते उपाय प्रभावी ठरतील? याबद्दल सविस्तर माहिती सांगणार आहोत.(फोटो सौजन्य – istock)
कोणत्याही वयातील व्यक्तीला एड्सची लागण होऊ शकते. एचआयव्ही संक्रमित व्यक्तीच्या शरीरातील द्रवपदार्थ रक्त, वीर्य, योनीतून स्त्राव आणि आईच्या दुधातून सगळीकडे पसरतात. याशिवाय एचआयव्हीची लागण झालेल्या व्यक्तीसोबत कंडोमशिवाय लैंगिक संबंध ठेवल्यामुळे शरीराला विषाणूची लागण होण्याची शक्यता असते. बऱ्याचदा एचआयव्ही झालेल्या व्यक्तीच्या रक्ताने दूषित झालेल्या सुया, सिरिंज किंवा इतर इंजेक्शनचा पुन्हा वापर केल्यास एड्सची लागण होऊ शकते. तसेच एचआयव्हीसारख्या गंभीर आजाराने त्रस्त असलेल्या व्यक्तीच्या रक्तातील इंफेक्शनमुळे सुद्धा एड्स आजाराची लागण होते. एचआयव्ही संक्रमित आईकडून तिच्या बाळाला गर्भधारणेदरम्यान, बाळंतपणादरम्यान किंवा स्तनपानादरम्यान एड्स होण्याची शक्यता असते. त्यामुळे गरोदरपणात स्वतःच्या आरोग्याची खूप जास्त काळजी घ्यावी.
एड्सचा धोका टाळण्यासाठी शारीरिक संबंध ठेवताना कंडोमचा योग्य वापर करावा. कंडोम एचआयव्हीसह अनेक लैंगिक संक्रमित आजारांपासून शरीराचे रक्षण करते. कोणत्याही रक्त चाचण्या करण्याआधी रक्ताची एचआयव्ही चाचणी होणे अतिशय महत्वाचे आहे. एकदा केलेल्या इंजेक्शनचा वापर पुन्हा दुसऱ्या व्यक्तीसाठी करू नये. यामुळे साथीच्या संसर्गाची लागण होण्याची शक्यता असते. एचआयव्ही बाधित गर्भवती महिलांनी डॉक्टरांच्या सल्ल्याशिवाय कोणत्याही गोळ्या औषध किंवा रक्त चाचण्या करू नयेत. एचआयव्ही संसर्गाने त्रस्त असलेल्या लोकांनी नियमित योग्य त्या चाचण्या आणि प्रतिबंधात्मक उपचार करणे आवश्यक आहे.
Ans: एड्स (AIDS) म्हणजे 'अॅक्वायर्ड इम्युनोडेफिशियन्सी सिंड्रोम'.
Ans: दीर्घकाळात, वजन कमी होणे, थकवा, ताप, रात्री घाम येणे, आणि त्वचेवर किंवा तोंडात व्रण होणे यांसारखी लक्षणे दिसू शकतात.
Ans: अनेक उपचार उपलब्ध आहेत जे एचआयव्हीची वाढ रोखण्यास आणि रोगप्रतिकारशक्ती सुधारण्यास मदत करतात.
