शनिवार, 17 ऑक्टोबर 2026
मुंबईकरांच्या कटिंगला साखरेचा कडू घोट; तलफ कशी भागणार? वाढत्या महागाई खिशावर भार
मुंबईची ओळख असलेला कटिंग चहा पुन्हा एकदा महागण्याच्या वाटेवर आहे. चहातील गोडवा वाढवणारी साखरच आता कडू झाली आहे. किरकोळ बाजारात साखर ५८ रुपये किलोवर पोहोचल्याने टपरीचालकांचे गणित बिघडले असून, १३ रुपयांचा कटिंग आता १४ रुपयांवर जाणार का, याची चर्चा चहाच्या टपऱ्यांवर रंगू लागली आहे.(फोटो सौजन्य – istock)
काही आठवड्यांपूर्वी ४९-५० रुपये असलेली साखर थेट ७५-८० रुपयांपर्यंत गेली होती. सध्या दर थोडा उतरला असला तरी तो अजूनही महिन्याभरापूर्वीच्या तुलनेत महागच आहे. चहाच्या दरवाढीची ही पहिली वेळ नाही. यापूर्वी इंधनटंचाई आणि इंधन दरवाढीमुळे वाहतूक खर्च वाढला. दुधाच्या दरवाढीने फटका बसला, चहापती, पेपर कप आणि इतर साहित्यही महागले, त्यामुळे १० रुपयांना मिळणारा कटिंग आता १३ रुपयांवर पोहोचला आहे, काही ठिकाणी ५ रुपयांचा छोटा चहा ६ रुपयांवर गेला आहे. विक्रेत्यांच्या मते, दररोज किलोमध्ये साखर लागणाऱ्या व्यवसायात प्रतिकिलो ८-१० रुपयांची वाढही महिन्याला हजारोंचा फटका देते. त्यामुळे सध्याचा दर टिकवणे कठीण होत आहे. ग्राहकांच्या खिशालाही याचा फटका बसणार असून, रोज दोन कटिंग घेणाऱ्याला महिन्याला ६० रुपये, तर तीन कटिंग घेणाऱ्याला ९० रुपये अधिक मोजावे लागतील, चहाच्या व्यवसायात रोज मोठ्या प्रमाणात साखर लागते, त्यामुळे प्रतिकिलो काही रुपयांची वाढही मासिक खर्चात लक्षणीय भर घालते.
इंधन, दूध यानंतर आता साखरेची झळ बसल्याने मुंबईकरांच्या रोजच्या कटिंगचा गोडवा टिकवण्यासाठी आणखी पैसे मोजावे लागणार का, असा प्रश्न उपस्थित होत आहे. साखरेचे दर चढेच राहिल्यास चहाच्या दरात आणखी वाढ अटळ असल्याचे विक्रेत्यांचे म्हणणे आहे. वाढत्या खर्चाचा थेट परिणाम वदत्यायावरचा आहे. परिणाम दरवाढ नको असते; मात्र दूध, साखर, चहापती आणि अन्य साहित्याचा खर्च वाढत असल्याने जुना दर कायम ठेवणे कठीण होत आहे. साखरेचे दर पुढे कसे राहतात, हे पाहून पुढील निर्णय घ्यावा लागेल.
पीओपी मूर्तींसाठी विसर्जनानंतर स्वतंत्र शेड! पुनर्वापराचे पर्याय शोधण्यासाठी महानगरपालिकेची तयारी
साखर महागल्याचा परिणाम छोट्या चहावरही दिसू लागला आहे. काही टपन्यांवर ५ रुपयांचा छोटा चहा ६ रुपयांना विकला जात आहे. मात्र कटिंगच्या दरात अद्याप सर्वत्र वाढ झालेली नाही. अनेक विक्रेते साखरेचे पुढील दर कसे राहतात, याकडे लक्ष ठेवून आहेत.एका रुपयाची वाढ किरकोळ वाटली तरी नियमित चहा पिणाऱ्यांच्या खिशावर त्याचा परिणाम होणार आहे. दिवसाला दोन कटिंग घेणाऱ्याला महिन्याला ६० रुपये अधिक मोजावे लागतील, तर तीन कटिंग घेणाऱ्याचा अतिरिक्त खर्च ९० रुपयांपर्यंत जाईल.
