बुधवार, 21 ऑक्टोबर 2026
हिंगोली : हिंगोली शहरातील कुलस्वामिनी अर्बन पतसंस्थेतील दहा कोटी रुपयांच्या गैरव्यवहार प्रकरणांमध्ये आर्थिक गुन्हे शाखेच्या पथकाने कुलस्वामिनी ज्वेलर्स या दुकानाची तपासणी केली दुकानातून सोन्या-चांदीचे दागिने जप्त केले आहेत.
शहरातील कुलस्वामिनी अर्बन पतसंस्थेमधील दहा कोटी रुपयांच्या गैरव्यवहार प्रकरणामध्ये आर्थिक गुन्हे शाखेने युद्ध पातळीवर तपास सुरू केला आहे. पोलीस अधीक्षक जी श्रीधर अप्पर पोलीस अधीक्षक अर्चना पाटील यांच्या मार्गदर्शनाखाली आर्थिक गुन्हे शाखेचे पोलीस निरीक्षक सोनाजी आमले, उपनिरीक्षक रामराव पोटे, अशोक कांबळे जमादार विलास सोनवणे यांच्यासह पोलिसांच्या पथकाने प्रकरणातील मुख्य आरोपी कैलास खर्जुले व बजरंग खर्जुले यांना अटक केली आहे.
याशिवाय पतसंस्थेचे अधिकारी देखील ताब्यात घेतली आहे. या प्रकरणांमध्ये पोलिसांनी बजरंग खर्जुले यास सोबत घेऊन आज कुलस्वामिनी ज्वेलर्स या दुकानाची तपासणी केली. या दुकानातील लॉकर व कपाट पंचनामा करून उघडण्यात आले.
