शुक्रवार, 23 ऑक्टोबर 2026
‘नवराष्ट्र’च्या बातमीचा दणका; स्मार्ट बाजारवर एफडीएची धडक!
अन्न सुरक्षा अधिकारी गणेश दत्तू यांनी दिलेल्या माहितीनुसार, तक्रारदाराने केलेल्या तक्रारीच्या अनुषंगाने स्मार्ट बाजारची तपासणी करण्यात आली. यावेळी चिप्सची पाकिटे, नारळ, खोबरे आणि नारळ पाणी यांचे नमुने ताब्यात घेण्यात आले आहेत. या नमुन्यांची तपासणी करून अन्नपदार्थांच्या गुणवत्तेबाबत पुढील कार्यवाही केली जाणार आहे. तपासणीदरम्यान मुदतबाह्य पदार्थ आढळल्याची माहिती समोर येत असली, तरी त्याबाबत प्रशासनाची अधिकृत पुष्टी आणि अंतिम तपासणी अहवाल महत्त्वाचा ठरणार आहे.
Smart Bazaar तील अन्नपदार्थ खाल्ल्यानंतर पोटदुखी, उलट्यांचा त्रास? ग्राहकाने केली कारवाईची मागणी
मिळालेल्या माहितीनुसार, १९ आणि २१ ऑक्टोबर रोजी स्मार्ट बाजारमधून खरेदी केलेले अन्नपदार्थ खाल्ल्यानंतर एका व्यक्तीची प्रकृती बिघडली होती. संबंधित व्यक्तीला पोटदुखी आणि उलट्यांचा त्रास झाला. या घटनेनंतर येथील सुशांत वसंतराव बनसोडे यांनी २२ ऑक्टोबर रोजी अन्न व औषध प्रशासनाकडे लेखी तक्रार दाखल केली.
या तक्रारीतून संबंधित खाद्यपदार्थांच्या सुरक्षिततेबाबत प्रश्न उपस्थित करण्यात आले. त्यानंतर एफडीएने दखल घेत दुकानाची तपासणी केली आणि तक्रारीशी संबंधित खाद्यपदार्थांचे नमुने ताब्यात घेतले. ग्राहकांच्या आरोग्याला धोका निर्माण झाला आहे का, तसेच संबंधित पदार्थांच्या गुणवत्तेत काही त्रुटी आहेत का, हे आता नमुन्यांच्या तपासणी अहवालातून स्पष्ट होणार आहे.
ग्राहकांच्या आरोग्याशी संबंधित या प्रकरणाला दैनिक ‘नवराष्ट्र’ने प्रसिद्धी दिल्यानंतर अन्न सुरक्षा विभागाने तपासणी केल्याने या कारवाईला विशेष महत्त्व प्राप्त झाले आहे. मोठ्या व्यावसायिक दुकानांमधून विकल्या जाणाऱ्या खाद्यपदार्थांची गुणवत्ता, त्यांची मुदत आणि साठवणुकीची पद्धत याबाबत नियमित तपासणी होणे आवश्यक आहे. विशेषतः पॅकबंद खाद्यपदार्थ आणि नारळ पाण्यासारख्या सेवनासाठी तयार असलेल्या पदार्थांच्या सुरक्षिततेकडे दुर्लक्ष होता कामा नये.
मुदतबाह्य पदार्थ आढळल्याची माहिती खरी ठरल्यास हा प्रकार ग्राहकांच्या आरोग्याच्या दृष्टीने गंभीर ठरू शकतो. मात्र, संबंधित पदार्थांची मुदत, नमुन्यांचे निष्कर्ष आणि नियमभंगाचे स्वरूप याबाबत अधिकृत माहिती समोर येणे आवश्यक आहे.
एफडीएने नमुने ताब्यात घेतल्याने तपासणीचा पहिला टप्पा पूर्ण झाला आहे. आता नमुन्यांच्या प्रयोगशाळेतील तपासणी अहवालात काय निष्पन्न होते, हे महत्त्वाचे ठरणार आहे. अन्न सुरक्षा नियमांचे उल्लंघन आढळल्यास प्रशासन संबंधितांवर नियमानुसार कारवाई करणार का, याकडे ग्राहकांचे लक्ष लागले आहे.
मोठ्या दुकानातील खाद्यपदार्थांच्या सुरक्षिततेबाबत तक्रार झाल्यानंतरच तपासणी होणार की नियमित तपासणीच्या माध्यमातून अशा प्रकारांना आळा घातला जाणार, हा प्रश्नही या निमित्ताने उपस्थित झाला आहे. ग्राहकांच्या आरोग्याशी संबंधित या प्रकरणात केवळ नमुने ताब्यात घेऊन न थांबता, तपासणीचा निष्कर्ष आणि त्यानुसार केलेली कारवाई प्रशासनाने स्पष्ट करणे अपेक्षित आहे.
नवराष्ट्राच्या बातमीची दखल; शिवसैनिकांच्या दणक्यानंतर रामलीला गार्डनमध्ये आता रोज पोलिसांची गस्त
Ans: अन्न सुरक्षा विभागाने स्मार्ट बाजार येथे तपासणी करून चिप्स, नारळ, खोबरे आणि नारळ पाण्याचे नमुने जप्त केले आहेत.
Ans: मुदतबाह्य पदार्थ आढळल्याची चर्चा आहे. मात्र, याबाबतची अधिकृत पुष्टी आणि तपासणीचा निष्कर्ष उपलब्ध झाल्यानंतरच ठोस माहिती देता येईल.
Ans: खाद्यपदार्थांचा दर्जा, गुणवत्ता आणि अन्न सुरक्षा मानकांचे पालन होते का, हे तपासण्यासाठी नमुने प्रयोगशाळेत पाठवले जातात. तपासणीच्या निष्कर्षांनुसार संबंधित प्रशासन पुढील कारवाई करू शकते.
