वय अवघं २२, कारसाठी माहेरहून पैसे आणण्यासाठी सासरच्यांकडून छळ; कंटाळून विवाहितेची आत्महत्या

पतीला कार खरेदी करण्यासाठी माहेरून दोन लाख रुपये आणावेत, या मागणीसाठी तिसगाव (ता. पाथर्डी) विवाहितेचा सासरी शारीरिक, मानसिक छळ करण्यात आला. या छळास कंटाळून विवाहित महिला तेजश्री धीरज रांधवणे (वय २२) हिने गळफास घेऊन आत्महत्या (Married Woman Suicide) केली.

Follow Us:

Follow Us:

अहमदनगर : पतीला कार खरेदी करण्यासाठी माहेरून दोन लाख रुपये आणावेत, या मागणीसाठी तिसगाव (ता. पाथर्डी) विवाहितेचा सासरी शारीरिक, मानसिक छळ करण्यात आला. या छळास कंटाळून विवाहित महिला तेजश्री धीरज रांधवणे (वय २२) हिने गळफास घेऊन आत्महत्या (Married Woman Suicide) केली.

तेजश्रीचे वडिल आदिनाथ बाळदेव केळकर (रा. कासर पिंपळगाव, ता. पाथर्डी) यांनी याप्रकरणी पोलिसांत फिर्याद दिली. या फिर्यादीवरुन पती धीरज बाबासाहेब रांधवणे, सासरे बाबासाहेब फकडराव रांधवणे, सासू सुनिता बाबासाहेब रांधवणे आणि दीर सुरज बाबासाहेब रांधवणे (सर्व रा. तिसगाव, ता. पाथर्डी) यांच्या विरोधात हुंडाबळी प्रतिबंध कायद्यान्वये पाथर्डी पोलीस स्टेशनला गुन्हा दाखल करण्यात आला आहे.

१३ ऑगस्ट २०२० रोजी तेजश्री केळकर यांचा विवाह धीरज रांधवणे याच्याशी विवाह झाला होता. सुरूवातीला मुलीला सासरच्या लोकांनी चांगले नांदवले. नंतर मार्च २०२२ मध्ये पतीला कार घेण्यासाठी माहेरहून दोन लाख रुपये आणण्याची मागणी तेजश्रीकडे केली जाऊ लागली. पैसे न दिल्याने तिचा पती व सासरच्या मंडळींनी विवाहितेला त्रास देण्यास सुरुवात केली.

या त्रासाला कंटाळून व छळ सहन न झाल्याने मुलगी तेजश्री रांधवणे हिने शनिवारी (दि.२३) राहत्या घरी गळफास घेतला. तिला उपचारासाठी अहमदनगर शहरातील एका खासगी हॉस्पिटलमध्ये घेऊन जाण्यात आले. मात्र, तिला मृत घोषित करण्यात आले. असे फिर्यादीत तिच्या वडिलांनी म्हटले आहे.

Web Title: Married woman suicide in ahmednagar due to harassment of in laws family nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com