शुक्रवार, 16 ऑक्टोबर 2026
फोटो सौजन्य सोशल मीडिया
भारतीय कामगार सेनेचे सुनील जुमडे तसेच शिवसेना शिंदे गटाचे कळमेश्वर तालुका अध्यक्ष ब्रिजलाल रघुवंशी यांनी आंदोलनाला पाठिंबा दिला. कामगारांच्या मागण्या तातडीने मान्य करण्यासाठी व्यवस्थापनाने पुढाकार घ्यावा, असे त्यांनी सांगितले. आंदोलनाच्या पार्श्वभूमीवर एमआयडीसी पोलिस ठाण्यासह शहर व राखीव पोलिस दलाचे अधिकारी आणि जवान सकाळपासून कंपनी परिसरात तैनात केले होते.
Nagpur News : मुलींच्या स्वच्छतागृहासाठी विद्यार्थ्यांचा आक्रोश; मंत्र्यांच्या राजीनाम्याची मागणी
मात्र, कामगार मागण्यांवर ठाम राहिले. कंपनीत काही कामगार १५ वर्षांहून अधिक काळ येथे काम करीत आहेत. केंद्र सरकारच्या नियमांनुसार आयटीआय, पॉलिटेक्निक आदी तांत्रिक शिक्षण घेतलेल्या तरुणांना तीन वर्षांसाठी रोजगार देऊन कुशल कामगार म्हणून प्रशिक्षण देण्याची प्रक्रिया राबवली जात आहे. मात्र, या प्रक्रियेमुळे विद्यमान कामगारांच्या रोजगाराच्या सुरक्षिततेबाबत अनिश्चितता निर्माण झाल्याची भावना कामगारांनी व्यक्त केली.
कामगारांनी मागण्यांवर चर्चा करण्यासाठी सोशल मीडियावर ग्रुप तयार केला होता. ग्रुपमध्ये हजाराहून अधिक अस्थायी कामगार सहभागी झाले होते. आंदोलनाची दिशा ठरविण्याची चर्चा सुरू असतानाच व्यवस्थापनाला याची माहिती मिळाल्याचे कामगारांनी सांगितले.
Nagpur News : जीवाची भीती ,रस्त्यांवर काढली रात्र ;जलशुद्धीकरणात क्लोरीन वायू गळती
आंदोलनाची दखल घेत शिवसेनेचे नेते ब्रिजलाल रघुवंशी यांनी उद्योगमंत्री उदय सामंत यांच्याशी भ्रमणध्वनीवरून संपर्क साधला, उद्योगमंत्र्यांनी कामगारांशी संवाद साधून मागण्या जाणून घेतल्या, केंद्र सरकारच्या योजनेतील नियमांची माहिती घेऊन महिंद्रा अॅण्ड महिंद्रा व्यवस्थापनाशी चर्चा करण्याचे आश्वासन त्यांनी दिले. दुपारी कंपनी व्यवस्थापन आणि कामगारांच्या प्रतिनिधीमध्ये चर्चा झाली, त्यानंतर सकारात्मक निर्णय घेण्याचे आश्वासन मिळाल्याने दुपारी २ वाजता आआंदोलन मागे घेतले.
कामगारांच्या मागण्यांवर व्यवस्थापनाकडून तीन महिन्यांत सकारात्मक तोडगा काढण्याचे आश्वासन देण्यात आले. उद्योगमंत्री उदय सामंत यांनीही व्यवस्थापनाशी चर्चा करून योग्य मार्ग काढण्याचे आश्वासन दिले.
