मंगळवार, 13 ऑक्टोबर 2026
फोटो सौजन्य - Wikipedia
मुंबईकरासांठी आनंदाची बातमी आहे. 5 जून 2024 पासून मुंबईत लागू करण्यात आलेली 10 टक्के पाणीकपात आता अखेर रद्द करण्यात आली आहे. मुंबईत गेल्या अनेक दिवसांपासून मुसळधार पावसाने हजेरी लावली आहे. मुसळधार पावसामुळे मुंबईला पाणीपुरवठा करणाऱ्या जलाशयांमधील पाणीसाठ्यात वाढ झाली आहे. वैतरणा, मध्य वैतरणा, मोडक सागर, तानसा, भातसा, विहार आणि तुळशी या जलाशयांमधून मुंबईला पाणीपुरवठा केला जातो. यापैकी विहार, तुळशी, तानसा, मोडक सागर ही जलाशये ओसांडून वाहत आहेत. त्यामुळे प्रशासनाने मुंबईतील पाणीकपात रद्द कररण्याचा निर्णय घेतला आहे. सोमवार, 29 जुलैपासून या निर्णयाची अंमलबजावणी केली जाणार आहे.
हेदेखील वाचा- रायगडमध्ये मुसळधार पाऊस; पाली खोपोली राज्य महामार्गावरील पुलाला पाण्याचा वेढा
मुंबई महानगरपालिकेने शहरात 30 मे 2024 पासून 5 टक्के पाणीकपातीचा निर्णय लागू केला होता. मात्र पाऊस लांबल्याने मुंबईत 5 जून 2024 पासून 10 टक्के पाणीकपात लागू करण्याचा निर्णय घेण्यात आला होता. मुंबईला पाणीपुरवठा करणाऱ्या वैतरणा, मध्य वैतरणा, मोडक सागर, तानसा, भातसा, विहार आणि तुळशी या तलावांनी तळ गाठल्यामुळे हा निर्णय घेण्यात आला होता. मात्र गेल्या काही दिवसांपासून मुंबईत मुसळधार पाऊस बरसत आहे. त्यामुळे जलाशयांमधील पाणीसाठ्यात देखील वाढ झाली आहे.विहार, तुळशी, तानसा, मोडक सागर ही चार जलाशये ओसंडून वाहू लागली आहेत. आज सकाळी ६ वाजेपर्यंत या जलाशयांमध्ये 66.77 टक्के इतका पाणीसाठा नोंदवण्यात आला. त्यामुळे आता अखेर मुंबईत सुरु असणारी 10 टक्के पाणीकपात मागे घेण्यात येणार आहे. आता मुंबईकरांच्या पाण्याची चिंता मिटली आहे.
हेदेखील वाचा-ठाण्यात पावसाचा जोर वाढला; जिल्ह्यातील सर्व शाळांना सुट्टी जाहीर; सतर्क राहण्याचं प्रशासनाचं आवाहन
मुंबईला पाणीपुरवठा करणाऱ्या 7 जलाशयांपैकी 4 जलाशये पूर्ण क्षमतेनी भरली आहेत. आज सकाळी ६ वाजेपर्यंत या जलाशयांमध्ये 66.77 टक्के इतका पाणीसाठा नोंदवण्यात आला. मोडकसागर तलावातून 13334 क्युसेक आणि तानसा जलाशयातून 17680 क्युसेक वेगाने पाण्याचा विसर्ग सुरु करण्यात आला आहे. मुंबईत पावसाचा जोर कायम राहिल्यास उर्वरित 3 जलाशयांमधील पाणीसाठ्यात देखील लवकरच वाढ होईल. त्यामुळे आता मुंबईकरांना वर्षभर पाण्याची चिंता करण्याची गरज नाही.
जून महिन्यात पाऊस लांबल्याने वैतरणा, मध्य वैतरणा, मोडक सागर, तानसा, भातसा, विहार आणि तुळशी या जलाशयांनी तळ गाठला होता. त्यामुळे मुंबईकरांवर पाणीकपातीची टांगती तलवार होती. मात्र आता अखेर ही पाणीकपात रद्द करण्यात आली आहे. मुंबईत जुन अखेरीस पावसाचं आगमन झालं. पण आता काही दिवसांपासून पावसाचा जोर चांगलाच वाढला आहे. त्यामुळे मुंबईत अनेक भागात दमदार पाऊस सुरु आहे. वाढत्या पावसामुळे मुंबईला पाणीपुरवठा करणाऱ्या जलाशयांमधील पाणीसाठ्यात वाढ झाली आहे. त्यामुळे आता मुंबईतील 10 टक्के पाणीकपातीचा निर्णय मागे घेण्यात आला आहे.
