शनिवार, 17 ऑक्टोबर 2026
प्रेम असावं तर असं... ‘# लय आवडतेस तू मला’ मालिकेत सरकारने थापल्या सानिकासाठी 'इतक्या' भाकऱ्या
‘कलर्स मराठी’वरील ‘#लय आवडतेस तू मला’ या मालिकेतील सरकार बॉडीगार्ड (राजा) म्हणून साहेबरावांच्या घरी गेला आहे. बॉडीगार्ड म्हणून तो त्याची उत्तमप्रकारे ड्युटी करताना दिसून येत आहे. बॉडीगार्ड असण्यासोबत तो आता सानिकाचा ट्रेनरदेखील आहे. ज्या स्पर्धेसाठी सानिका रनर म्हणून तयारी करतेय त्या स्पर्धेचा ट्रेनर म्हणून सरकारची नेमणूक झाली आहे. त्यामुळे सध्या तो दुहेरी भूमिका बजावत आहे. साहेबरावांच्या घरचं मीठदेखील खाणार नाही, अशी शपथ घेतल्या सरकारने शूटिंगदरम्यानच तब्बल 30 भाकऱ्या बनवल्या आहेत.
पंतप्रधान मोदींना भेटण्यासाठी कपूर कुटुंब दिल्लीला रवाना, राज कपूर यांची 100 वी जयंती होणार साजरी!
‘# लय आवडतेस तू मला’ही मालिका प्रेक्षकांना दररोज, रात्री. 9:30 वाजता ‘कलर्स मराठी’वर पाहता येईल. सरकारची भूमिका साकारणारा तन्मय म्हणाला,”‘#लय आवडतेस तू मला’ या मालिकेत सध्या अनेक इन्टरेस्टिंग सीन करायला मिळत आहेत. मालिकेत नुकतचं एका सीनदरम्यान माझं कुकिंग कौशल्य वापरायला मिळालं. मालिकेत मी साहेबरावांच्या घरचं मीठदेखील खाणार नाही अशी शपथ घेतली आहे. त्यामुळे मी त्यांच्या घरातलं कुठलचं खाद्य किंवा बनवलेलं जेवण जेवत नाही. त्यामुळे मला जसं जमतं तसं मी चुलीवर त्यांच्यात तिथल्या बाहेरच्या जागेत चुलीवर जेवण बनवतोय असा एक सीक्वेन्स होता.”
वरुण धवनच्या ‘बेबी जॉन’चा ट्रेलर शाहरुख खानला कसा वाटला? म्हणाला- “चित्रपट पाहण्यासाठी उत्सुक…”
तन्मय पुढे म्हणाला, “त्या सीक्वेन्ससाठी मला पिठलं भाकरी आणि ठेचा असं सगळं करायचं होतं. त्यावेळी मी तब्बल 30 भाकऱ्या थापल्या आणि शेकल्या. पिठलं-भाकरी हे आवडीचं जेवण असून स्वत:बनवून खाण्यात एक वेगळीच मजा आहे ती अनुभवली. मुलांनी स्वत:चं स्वत: जेवण बनवणं आजही समाजात खूप कमी पाहायला मिळतं. सरकारलाही जेवण बनवता येत नसलं तरी तो स्वत:चं पोट भरण्याइतकं जेवण बनवू शकतो. साधं जेवणचं खूप कमाल असतं कारण त्या जेवणात कोणाला इंप्रेस करण्यासाठी किंवा पैसे कमवण्याचा आवीर्भाव नसतो.”
