(फोटो सौजन्य- इन्स्टाग्राम )
कला रसिकांसाठी मोठी आनंदाची बातमी! भारतातील उभरत्या कलाकारांसाठी महत्त्वाचं ठरलेले ६वा मुंबई आर्ट फेअर आपल्या भेटीला पुन्हा येत आहे. नेहरू सेंटर, वरळी (डिस्कव्हरी ऑफ इंडिया बिल्डिंग) येथे १० ऑक्टोबर पासून आर्ट फेअरचं आयोजन करण्यात आलं असून १२ ऑक्टोबर पर्यंत चालणारे हे ३ दिवसीय आर्ट फेअर सकाळी ११ ते रात्री ८ पर्यंत चालणार आहे.
दर वर्षी प्रमाणे याही वर्षी सुद्धा या आर्ट फेअर मध्ये देशभरातील २५० कलाकारांच्या तब्बल ३००० हून अधिक चित्रकला, शिल्पकला, छायाचित्रं, प्रिंट्स यांसह विविध प्रकारच्या कलात्मक अभिव्यक्ती पाहायला मिळणार आहेत.
श्री राजेंद्र पाटील, मुंबई आर्ट फेअरचे डायरेक्टर म्हणाले, “कला प्रदर्शन करण्यापलीकडे जाऊन, हा मेळावा कलाप्रेमींसाठी चिंतन, शांतता आणि कथाकथनाचे नवे क्षण घेऊन येतो. भारतीय कलेच्या आध्यात्मिकतेसह प्रतीकात्मकतेचं दर्शन इथे घडतं. वर्षानुवर्षं विविध शैलींचे कलाकार आणि गॅलरींना एकत्र करून, या मेळाव्याने स्वतःला एक रंगतदार सांस्कृतिक व्यासपीठ म्हणून उभं केलं आहे.”
या आवृत्तीत thecurators.art, बूके ऑफ आर्ट गॅलरी, देव मेहता आर्ट गॅलरी, स्टुडिओ ३ आर्ट गॅलरी, RS Art Space, Greyscale (मुंबई), Artecious World Art Gallery, Aura Planet (दिल्ली) आणि अर्पितम कला मंदिर (कोलकाता) या नामवंत गॅलरी सहभागी होत आहेत.
मुंबई आर्ट फेअरमध्ये अलंकारिक, प्रतीकात्मक, अमूर्त, प्रायोगिक ते अति-वास्तववादी अशा वेगवेगळ्या शैलीं दर्शवल्या जातील. ओम थडकर, अश्विन कुमार, देव मेहता, बीना सुराणा, विजय कुमावत, शिरीष कठाळे इत्यादी यांच्या सारखे अनेक लोकप्रिय कलावंत भाग घेणार असून मुंबईकरांसाठी याची तिकीटं BookMyShow वर उपलब्ध आहेत.
पूजा विजयरंजन आणि जेनिफर दारुवाला यांनी सुंदर आणि लक्ष वेधून घेणाऱ्या शैलीत त्यांच्या कलाकृती मांडल्या आहेत. त्यांच्यासोबत पूर्वी लोहाणा, नियती अमलानी, अक्षता शेट्टी आणि उज्ज्वला सुरवाडे यांचे खास चित्र बघायला मिळतील. ही सगळी चित्रं काही गोष्ट सांगत असल्यासारखी वाटतात.
हर्षवर्धन राणेच्या ‘Ek Deewane Ki Deewaniyat’चा ट्रेलर प्रदर्शित; दिसणार अनोखी प्रेम कथा
रश्मी पोटे, उर्वी शाह, रूपाली मानसिंगका, देवी राणी दासगुप्ता आणि सोहन कुमार यांनी साध्या पण अर्थपूर्ण कलाकृती दाखवल्या आहेत. तर शिल्पकार रोहन सोनवणे यांनी धातूपासून बनवलेली खास शिल्पं मांडली आहेत. तसेच, श्रीकांत पोतदार यांची चित्रं खूपच बारकाईने आणि खरीखुरी वाटणारी आहेत. मोनालिसा पारेख, श्वेता रोहिरा, कांता वर्दे आणि सुस्मिता मंडल यांच्या चित्रांमधून अध्यात्म जाणवेल.
कला प्रेमींसाठी लँडस्केप्सपासून, अॅबस्ट्रॅक्ट आणि सेमी अॅबस्ट्रॅक्ट ते रोमँटिक, खेडूत, फुलांचा, आणि शहरी लँडस्केप्सपर्यंत अनेक चित्र पहिलं मिळतील. विशेष म्हणजे वर्षा पाटील, रविशंकर टी आणि कार्तिकेय खटाव यांचे लँडस्केप्स, रिया दास, वत्सला ठाकूर, सुनंदिनी जयंत, डॉ. जेसिका सेराव आणि गगनदीप सिंग कोचर यांचे फ्लॉवरस्केप्स, अश्विन कुमार आणि वसुंधरा नानावटी यांचे ऑइल पेंटिंग आणि रूपाली मानसिंहका यांचे विखुरलेले प्रकाश असलेले सेमी अॅबस्ट्रॅक्ट व्याख्या यांचा समावेश आहे.
