शनिवार, 22 ऑगस्ट 2026
सणावारांच्या दिवसांमध्ये दागिन्यांची मोठ्या प्रमाणावर खरेदी केली जाते. खरेदी करताना महिला कायमच मोत्याच्या आकर्षक दागिन्यांची कायमच खरेदी करतात. नऊवारी, सहावारी किंवा सर्वच लुकवर मोत्याचे दागिने शोभून दिसतात. पण बऱ्याचदा मोत्याच्या दागिन्यांची खरेदी करताना मनात खूप मोठा गोंधळ निर्माण होतो. दागिन्यांमधील मोती अस्सल आहेत की नाही? असे प्रश्न मनात कायमच निर्माण होतात. त्यामुळे मोत्याचे दागिने खरेदी करताना या गोष्टींची काळजी नक्कीच घ्या. यामुळे अस्सल मोती खरेदी करणे सोपे होऊन जाईल. (फोटो सौजन्य – istock)
मोती खरे की नकली? अस्सल मोती ओळखण्यासाठी फॉलो करा 'या' सोप्या टिप्स
अस्सल मोती त्याच्या स्पर्शातून ओळखला जातो. मोती थंड असल्यामुळे स्पर्श केल्यानंतर सुरुवातीला थंड जाणवतो, पण शरीराच्या उष्णतेमुळे मोती ऊबदार होतो. मोती पारखण्याची ही अतिशय सोपी पद्धत आहे.
अस्सल मोती वजनाने जड असतो, तर नकली मोतीचे वजन अतिशय हलके असते. त्यामुळे वजनावरून सुद्धा मोतीच्या दागिन्यांची तुम्ही पारख करू शकता.
मोती ओळखण्यासाठी सगळ्यात आधी दोन मोती घेऊन एकमेकांवर घासून घ्या. घासल्यानंतर तो मोती सहज घसरून जाईल तो बनावट मोती असेल, कारण अस्सल मोती गुळगुळीत नसतो.
धाग्यात मोती ओवण्यासाठी तिथे होल तयार केला जातो तिथला भाग नाजूक राहिल्यास तो खरा मोती आहे. नकली मोतीला लगेच मोठा खड्डा पडतो.
मोत्याच्या दागिन्यांची खरेदी करताना योग्य तपासणी करणे आवश्यक आहे. अन्यथा पैसे वाया जाऊ शकता. अस्सली दागिन्यांच्या नावाखाली विकले जाणारे नकली मोती जास्त दिवस टिकत नाहीत.
