सणवार, लग्न सोहळा किंवा इतर मराठमोळ्या कार्यक्रमांच्या दिवशी महिला साडी नेसून छान तयार होतात. प्रत्येक सणाला नवीन साडी खरेदी केली जाते. साडी विकत घेतल्यानंतर त्यावर नेमका कशा पद्धतीने ब्लाऊज शिवून घ्यावा, हे बऱ्याचदा सुचत नाही. साडीच्या सौंदर्यात भर पडण्यासाठी वेगवेगळ्या डिझाईनचे ब्लाऊज शिवून घेतले जाते. पण बऱ्याचदा साडीवर ब्लाऊजचा पॅर्टन निवडताना महिलांकडून चुका होतात, यामुळे साडीवर शिवलेला ब्लाऊज व्यवस्थित मॅचिंग दिसत नाही. चला तर पाहुयात साडीच्या प्रकारानुसार कोणत्या प्रकारचे ब्लाऊज डिझाईन निवडावे, याबद्दल सविस्तर माहिती. (फोटो सौजन्य – pinterest)
साडीच्या प्रकारानुसार शिवा 'या' डिझाईनचे आकर्षक आणि हटके ब्लाऊज, चार चौघांमध्ये होईल तुमच्या लुकची चर्चा
बनारसी साडी खरेदी केल्यानंतर त्यावर डीप - व्ही नेक, बोट नेक, स्वीटहार्ट नेक पॅर्टनची निवड करावी. यामुळे साडीचा काठ आणि ब्लाऊज उठावदार दिसतो. बनारसी साडीचा काठ मोठा असल्यामुळे गोल गळ्याचे ब्लाऊज सुंदर दिसतात.
कांजीवरम सिल्क साडी अतिशय रॉयल आणि क्लासी दिसते. त्यामुळे साडीवर ब्लाऊज शिवताना पाठीमागील गळ्याला आरी वर्क किंवा स्टोन वर्क करून घ्यावे. यामुळे ब्लाऊजला सुद्धा रॉयल लुक दिसेल.
सध्या ऑर्गनझा साड्यांची मोठी क्रेझ वाढली आहे. उन्हाळ्याच्या दिवसांमध्ये ऑर्गनझा साड्या लग्न सोहळा किंवा कार्यक्रमांसाठी अतिशय उत्तम आहेत. ऑर्गनझा साडीवर तुम्ही स्वीटहार्ट नेक, स्क्वेअर नेक आणि यू नेक पॅटर्न ब्लाऊज शिवू शकता.
कॉटनच्या साड्या उन्हाळ्यासाठी अतिशय आरामदायी आहेत. त्यामुळे या साड्यांवर तुम्ही बंद गळ्याचे किंवा स्लिव्हलेस ब्लाऊज शिवून घेऊ शकता. कामानिमित्त बाहेर नेसण्यासाठी कॉटनच्या साड्या उत्तम आहेत.
लग्न सोहळ्यातील रिसेप्शनमध्ये प्रामुख्याने नेट आणि स्टोन, मोत्याचा वापर करून बनवलेली साडी परिधान केली जाते. ही साडी दिसायला अतिशय उठावदार वाटते. त्यामुळे नेटच्या किंवा डिझायनर साडीवर तुम्ही या पद्धतीचे ब्लाऊज शिवून घेऊ शकता.
